HOSEA 4:9 - Cho Bible Common Language 2016

⁹ Nangmi phi chang gui ah mäih ah m’kyuk nak ung nami yaica khai. Kei naw ning m’kyuk gui ne kat nak nami bi nami thung vai ah ka ning ci gui khai.

HOSEA 4:9 Referans Kwoze

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 24:2

Chang nü ah a buitang cu tang khai-taigü la chang gui, changshäm gui la mang gui, hleih ci gui la yoi ci gui, ng’pu ci gui la puk ci gui, bühmang ci la dükhaih ci gui.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 1:4

Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

HOSEA 10:10

Shin ah kat nak bik ciah chang gui cu kei naw tu gui ne, ka m’kyuk gui khai. Chang pakhui gui cu ng’dawn law u ne, ngami cu hnungtuk püi tu gui khai gui. Ngami ami kat nak ada ah phäh ah m’kyuk nak gah khai gui.

HOSEA 12:2

Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.

NG'THU K'THUUK~ 11:31

Changnigui cu khomdek khan ung m’cümhnah nak gah ci gui, cun ah kyasei ng’htei sei nami hmat vai cu, shang shekha gui la chang kaa gui cu m’kyuk nak gah khai gui.

EZEKIEL 44:10

Bawipa naw na pyen nak ci, “K’pawih ba ciah Israel chang gui awn atäng ah kei na nawng ne, agup gui khawihnah ci gui ah Levit gui cu kei naw ka m’kyuk gui ci nei.

EZEKIEL 44:12

Cun ung phi Israel chang gui naw agup ami khawihnah vai ah ami bi ah phäh la ashin ah bi chang gui katnak ung ami hteh püi gui ah phäh ah, kei, uktu Bawipa naw akcang ah ka ng’taam ci nei, ngami cu m’kyuk gui vai nei.

HOSEA 12:3

Ami pupa Jakob cu ang phi püi ah anau Esua awn ngani cu ani nu ah puk kyong ung, ani om yah ge ung ng’tuk ci goi. Jakob cu ng’vai law neta, Khanpughi hnungtuk ne ng’tuk püi ci.