HOSEA 4:2 - Cho Bible Common Language 2016

² Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

HOSEA 4:2 Referans Kwoze

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.

1 THESSALONIAN 2:15

Cun ah Jew chang gui cu Bawipa Jesuh la profet gui ngawn u ne, keimi nak dukdeiu na gui ci gui ah kyak ci.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

JEREMIAH 6:7

Tuiton naw tuini a khäm ah mäih ah Jerusalem naw akshe gui khäm khai nei. Mang gaw kyong ah ngon sih nak la didap nak cu ka ng’yak ne; lembai nak la gopyam nak bäng ka hmuk ci.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

MATTHE 23:35

Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

ZEPHANIAH 3:1

Jerusalem cu ng’ziin ne, sheka ne, ng’küknet ciah mang gaw ah kya ne, amät ah chang gui cu shedam na gui ci.

MIKHAH 6:10

Changshe gui ah im kyong ah ami khawh cu kä akni ah ami gah ah kyak ci. Ngami naw kä hman ciah nütnak cu mang ci gui, cun cu kei naw ka m’thüi nak ci.

MIKHAH 3:9

Israel uktu gui, na ngai vä! nangmi cu taga ci thüi ne u ne, ahman cu ahma ah nami lat ci.

MIKHAH 3:2

akni cu thüi na ne, akshe cu nami m’hni ci nei. Ka chang gui ah ak ghing ah vun nami lim ci, ami guh ung kawp ciah sa phi nami sei ci nei.

HOSEA 12:14

Israel chang gui naw Bawipa cu akha ah m’lungshe sak ci gui. Ami mät ah cheishoh nak ah phäh ah ngami cu sih vai ah khin ci gui. Ani ah khan ah m’lung thüi nak ami law pü ah phäh ah Bawipa naw ngami cu m’kyuk gui khai.

HOSEA 10:4

A kholä ah ng’thu u ne, kä hman ciah shaitak u ne, kä mangca phyak khai ah ami om gui, taga nak cu kä taga nak ah kya law ne loma ah m’gui man ah ng’shun a däm law ah mäih ah kyak ci.

HOSEA 7:3

Bawipa naw pyen ci, “Chang gui naw akshe ah om u ne ghangpughang la bawi gui cu m’hleei gui ci gui.

HOSEA 5:2

Akacia ah mang gaw ung khui ak thuuk om ci, nangmi nami van cu kei naw ka ning m’kyuk gui khai.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

ISAIAH 48:1

Shin cu ngai vä, Israel chang gui aw, Nangmi cu Judah ah ng’shon gui nei: Nangmi cu Bawipa ah ming ung ng’tam u ne, Israel khanpughi nami khawihnah ciah nami pyen ci. Cun ung phi nami pyen ah ng’thu lung cu kä nami k’cang nak ci. 1

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

ATÜNNAK 4:8

Kain naw anau Abel am, “Lo ah ni hteit kaw” ci sei, lo ah hteit ni neta, Kain naw a nau cu ng’hlah shi ne ngawn ci.

THULÄÄN NAK 5:11

“Ka ming akshe ah kä nami mang vai. Ka ng’ming akshe ah mang ci phung cu kei Bawipa nami Khanpughi naw ka m’kyuk khai.

THULÄÄN NAK 5:18

“Chang ah chu hta kä na kat püi vai.

THULÄÄN NAK 5:19

“Kä na m’guuk vai.

JEREMIAH 51:5

Kei, Bawipa m’gäi ciah Khanpughi naw Israel la Judah gui cu, Israel ah Theingcim ciah Tumat ah ka kyak ciah kei cu na hnungfuk püi ne ami hma ung phi kei naw kä nawng gui khai.

EZEKIEL 7:23

“A pang nü cu ng’gogan ci-kho avan cu chang ngawn ci gui awn be ci, mang gaw gui cu kiawi m’saa ci gui awn be ci.

HOSEA 6:8

Kilead cu changshe gui la chang ngawn ci gui awn be ciah mang gaw ah kyak ci.

HOSEA 7:4

Ngami ami van cu beit kä ng’yak ci, kä bekhüt ciah kyak ci gui. Ngami ah thüigen nak cu meibum ung mei, m’htut ng’shai nak vai kä kia pha sei, kä ng’ai pha veih ciah mäih ah kyak ci gui.

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.