HOSEA 4:14 - Cho Bible Common Language 2016

¹⁴ Cun ung phi cun ah phäh ah kei naw kä ka m’kyuk gui ci. A i ah kyasei ci ung nangmi nami mät cu ngami awn atäng ah pawmyau nak Taigüim ah hteit u ne, khogam khawihnah nak cu atäng ah nami douthak ci. Thu thuuk naw a pyen cu, ‘Cüivainak kä om ciah chang gui cu dishum khai gui.’

HOSEA 4:14 Referans Kwoze

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

HEBRU 12:8

Nangmi cu a hta akcang ah nami kyak ci kyasei, kat m’kyuk ne m’cäi nak kä ah om ah a kyak ung, nangmi cu hta akcang ah kä nami kyak ci, hta ng’bah ah nami kyak ci.

EPHESIAN 4:18

Kä yum ci gui ah m’lung ngaih cu hnüp khui ah kyak ci. Ngami cu lulang nak maih ne cüivai nak kä om sei, ami m’lung ling ne, Khanpughi ah peit ah ghin nak awn api ah phi käng phaa ci.

1 KORIN 6:16

Chang thuiplet awn ng’yaw ng’pawm ci goi ah chang cu, acun ah chang awn pumsa tumat ah kyak ci goi cicu kä nami hmat ci maa! Cacim naw ang dang ah a pyein cu, “Cun ah chang hnih cu pumsa tumat ah kyak khai goi nei” ciah kyak ci.

ROMAN 3:11

Akcang ah hmuhmat ciah chang tumat phi kä om ci, Khanpughi khawihnah ciah chang tumat phi kä om ci.

JOHAN 8:43

Kei ah thu cu a i ah kyasei kä nami hmat ang ci ung, nangmi ung kei ah ng’thu nami hmat nak vai thagui kä ah om su ah kyak ci.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

HOSEA 4:17

Israel chang gui cu agup mang nak ah kaa ung om pyi ci gui. Ami hteh nak hlü ah lam ung hteit tei u sä.

DANIEL 12:10

Chang akda gui cu theingthap khai gui nei. Chang shekha gui cu a i kä hmat u ne, shekha lä khai gui. Cüivai ciah chang gui bäng naw hmuhmat khai gui.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

NG'THU K'THUUK~ 28:5

Changshe gui naw taga nak ah mawng kä hmat ci gui, Cun ung phi Bawipa kawihnah ci gui naw, akni ah hmat ci gui.

2 GHANGPUGHANG GUI 23:7

Taigüim pei ah pawmya ci gui ah ami om nak ah im gui cu ani naw m’di yawp ci. (A cun ung hnumi gui naw Asherah khawihnah nak ah suinu cu tah ci gui.)

1 GHANGPUGHANG GUI 15:12

Agup khawihnah nak ah hmun gui ung bii bik ci gui ah pawmyaa ciah hnumi pami ami van cu ami khaw ungka k’täm gui ci, ani pupa gui ah pyan ah a gup gui avan phi nawt heng yawp ci.

THULÄÄN NAK 23:17

“A u Israel chang, pami phi, hnumi phi, Taigüim ung chang plet ah kä a kyak vai.

HOSEA 5:4

Chang gui naw akshe ami bi nak naw Khanpughi ah ami ng’hlah law ba nak vai cu shungshet ci. Agup khawihnah nak naw huham mah ne k’pang gui ci. Ngami naw Bawipa kä shüm hmat ba ci gui.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

KHEI NAK 25:3

Cun cu Peor ah ka Baal ah kyak ci. Cun kyasei Bawipa cu ngami ah khan ah m’lungshe neta,

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.