HOSEA 4:13 - Cho Bible Common Language 2016

¹³ M’htung lai ah atheing nak ah hmun gui ung, khawihnah nak douthak u ne, khomhtung gui ung sing ghing ang shäi gui, akdäm gui ang hnim nik ci gui ah kaa ah ngami naw tui ng’ui m’khih ci gui. Ai ah kyasei ci ung ang hnim gui cu yei nak vai kyak ci. “Ak hnu ah nami hta hnumi gui naw, pawmyau ciah bii bi u ne, nami hta gui ah chu gui cu pletbeng ci gui.

HOSEA 4:13 Referans Kwoze

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

EZEKIEL 6:13

Gook gui cu agup gui ah ng’lung, sonkiang gui ah ng’veing ung ng’zaih khai gui, khomhtung hlüng pang, m’htung lai päng, m’kim ciah sing ghing ka päng, he sing ng’ghaw gui ah ka pang, agup gui am m’khih ne ami khawihnah nak ah hmun pän gung ng’zaih ci. Cung kawn ah chang nü naw kei cu Bawipa ah na hmat khai.

JEREMIAH 3:6

Josiah ghangpughang ah a kyak sangung Bawipa naw kei cu na pyen nak ci, “kä bekhüt ciah hnumi Israel ah bi cu nang naw na hmuk ci ang? Ani naw kei cu na ng’hlah ta ne, khimhtung hlüngpäng la sung ghing ka päng ung ani cu pawm za ciah mäih ah hnüntho ci nei.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

EZEKIEL 16:25

Nang naw na kyom nak cu na ng’nai sak ci. Nang naw lawk ciah chang päng am na paumza na na ap ci, nang cu a hnüüp tä sei na pcumza law piktäi ci.

EZEKIEL 16:16

Nang naw na sui amshah cu khawihnah nak ah hmun cüi che nak v ai ah na mang ci, pawnzam ciah hnumi ah mäih ah chang nü am na pumsa na pek ci.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ISAIAH 57:7

Nangmi cu khawihnah douthak vai ah m’htung ah kai neta nami ng’tawng pawm ci.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

2 GHANGPUGHANG GUI 17:7

Samaria cu a i ah kyasei angkiak ci ung ngami naw ami Khanpughi Bawipa cu hnungtuk ne katnak ami bi ah hmawk ah kyak ci, ani naw Egypt ghangpughang ah kut ungka gung gui ne, Egypt khaw ungka hteh püi ba gui ci. Ngami naw a hei khanpughi gui khawihnah ci gui.

2 GHANGPUGHANG GUI 23:7

Taigüim pei ah pawmya ci gui ah ami om nak ah im gui cu ani naw m’di yawp ci. (A cun ung hnumi gui naw Asherah khawihnah nak ah suinu cu tah ci gui.)