HOSEA 4:11 - Cho Bible Common Language 2016

¹¹ Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

HOSEA 4:11 Referans Kwoze

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

HOSEA 4:12

Ngami naw na lam ah mawng sing k’pi ng’shik ci gui. Ngami naw ami hmat hlü cu htung phe naw m’thein gui ci. Ngami naw kei na hteh tak ci gui. Pawmyau ciah hnumi ah mäih ah ngami naw ahei khanpughi am ami mät cu ap ci gui.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

THUSHÄUTU 7:7

Nang cu na cüivai ci, cung phi chang na m’hleei ung a gu-ang ah mäih ah hnüntho ciah kyak ci. Ng’mü khawh dou ci cu, a om ih m’di ciah kyak ci.

NG'THU K'THUUK~ 6:32

Chang ah chu kat püi cicu a i kä hmat ciah kyak ci. Amät naw amät m’di ciah kyak ci.

TAIGÜTHUM 10:9

“Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

NG'THU K'THUUK~ 31:4

Ngai ä, Lemuel! Ghangpughang naw yu kä a awk vai, awktat vai phung kä a awk en vai.

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

JEREMIAH 23:13

Samaria prophet gui ah katnak cu kei naw ka hmuk ci nei; ngami cu Baal ah ming ung ng’thu pyen ci gui, ka chang gui cu lam hma sak ci gui.

HOSEA 5:4

Chang gui naw akshe ami bi nak naw Khanpughi ah ami ng’hlah law ba nak vai cu shungshet ci. Agup khawihnah nak naw huham mah ne k’pang gui ci. Ngami naw Bawipa kä shüm hmat ba ci gui.