HOSEA 4:10 - Cho Bible Common Language 2016

¹⁰ Nangmi naw khawihnah nak ung nami chaw cu nami ei khai, cun ung phi nami cawi lä khai. Nangmi naw ng’shonbang nak ah khanpughi gui nami khawihnah khai, Cun ung phi kä nami hta nau khai. A i ah kyasei ci ung nangmi naw kei na ng’hlah ta u ne, ahei khanpughi gui nami läk ci.”

HOSEA 4:10 Referans Kwoze

MIKHAH 6:14

Nami ei ung phi kä nami phü khai, akcang ah nami cawi lä khai. Nami khawh nami m’kawn khai, cun ung phi kä nami phiawn püi khai. Nami phiawn püi ung phi ng’tuk nak ung kei naw ka m’di khai.

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

HOSEA 4:14

Cun ung phi cun ah phäh ah kei naw kä ka m’kyuk gui ci. A i ah kyasei ci ung nangmi nami mät cu ngami awn atäng ah pawmyau nak Taigüim ah hteit u ne, khogam khawihnah nak cu atäng ah nami douthak ci. Thu thuuk naw a pyen cu, ‘Cüivainak kä om ciah chang gui cu dishum khai gui.’

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

NG'THU K'THUUK~ 13:25

Düng ciah chang cu ang büh nak vai ei om ci. Cun ung phi chang shekha cu angtäi sei ei cawi ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

2 SHONTÄP NAK 24:17

Cun ung phi Jehoiada a sih kawn ah Judah ng’vai gui naw Ghangpughang Joash naw ami ng’thu ang ngaih vai süksaw ci gui.

JEREMIAH 34:15

Hnüüp api lung lawk ci ung nangmi nam nami m’lung m’thawng u ne kei ah yei nak vai cu nami bik ci. Nangmi nami van naw nami Israel paw gui m’hlawt gui vai ah nami yum ci, Taigüim kyong kei nami na khawihnak nak, keiah maung nangmi naw thukhän nami bik ci.

EZEKIEL 22:9

Nami chang amshah gui naw chang ah mawng ami hleei pyen ne, sih nak ung gawk sak ci gui. Amshah naw agup gui am douthak ah khawihnah nak cu ei ci gui. Amshah gui cu akphlüt ah ng’yaw kawh ne ng’büh ci gui.

HOSEA 7:4

Ngami ami van cu beit kä ng’yak ci, kä bekhüt ciah kyak ci gui. Ngami ah thüigen nak cu meibum ung mei, m’htut ng’shai nak vai kä kia pha sei, kä ng’ai pha veih ciah mäih ah kyak ci gui.

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”