Biblia Todo Logo
Bib sou entènèt

- Piblisite -




HOSEA 4:1 - Cho Bible Common Language 2016

1 Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

Gade chapit la Kopi




HOSEA 4:1
44 Referans Kwoze  

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.


Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.


Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.


Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.


Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.


Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”


Kei naw ka ngai ci, “Shin gui cu dukhaih ci la a i kä hmat ciah kyak ci gui. Ngami cu akgu k’ang ah om ci gui; Ami Khanpughi naw a i athäh, ami Bawipa naw a i ami bi vai angyak hlü cu ngami naw kä hmat ci gui.


Law vä, chang pakhui avan! Ng’bum uneta ngai vä. Khomdek apum la acun ung om ciah a ghing avan shin ung law ne ngai vä.


Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.


“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!


“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.


Nangmi naw ani cu kä nami hmat ci, cun ung phi kei naw ka hmat ci. Kä ka hmat ci ka ci ung ka hleei ka pyein ciah kyak khai. Kei naw Kapa cu akcang ah hmat ne ang thu cu ka ngai ci.


Tuhbäi Bawipa naw a i a cicu ngai vä. Nangmi naw ka ng’cä nak ka ng’düm vai, Israel gui hnungtuk ne ng’thu cu ka ng’düm vai ah na mi pyen ci.


“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,


Zedekiah, nang ah mawng ka pyen cu ngai ä. Nang cu ng’tuk nak ung kä ning ngawn khai gui.


Bawipa naw ka pyen vai ah ana m’thein cu, “Judah ghangpughang la Jerusalem chang gui, kei, m’gäi ciah Bawipa, Israel khanpughi naw ka pyen cu ngai vä. Shin ah hmun ung kei naw leigai ka law püi khai nei, acun ah mawng ng’yak ciah chang nü cu cäicat khai nei.


Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.


Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.


Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.


Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.


Bawipa ah ng’thu pyen cu ngai vä, nangmi Jakob ah htangshon, Israel pakhui gui.


Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.


Cun cu Bawipa naw Zion a gun nak la aga gui ah khan ah phu atuk nak ah akhin ah kyak khai.


Tuhbäi Jerusalem ung shin ah chang gui, m’gäimäk ne uk ci gui, Bawipa ah thu pyen cu ngai vä.


Cun ah kyasei tuhbäi ka teihpüi naw, “Jerusalem la Judah ung om ciah chang gui, kei la ka sapyit lo ah ng’lak cu m’khoi cha vä.


Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.


Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.


Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.


nangmi ah om nak a u phi phiawn nak kä om ci. Namibi nü kä taga ci. Nangmi naw ng’koi ciah lam nami läk ci, cun ah lam ung hteit ciah chang phung cu phiawn nak kä om ci.


Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”


Kei, Bawipa m’gäi ciah Khanpughi naw Israel la Judah gui cu, Israel ah Theingcim ciah Tumat ah ka kyak ciah kei cu na hnungfuk püi ne ami hma ung phi kei naw kä nawng gui khai.


Nangmi chang vai gui geing na vä; Judah chang päng naw ngai sä. Nangmi ah khin ung, nami pupa gui ah khin ung shin ah mäih ah kya man ne ang?


Nang naw a hei khanpughi kä na khawihnah vai.


“Cun ah kyasei kei, Bawipa naw ka chang gui cu, hnungtuk ne ka bün phei ba gui khai. Ami htangshon gui ah khan ah phi hnungtuk ne k’bün nak ka law püi khai.


A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?


Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.


Tuhbäi, Jerusalem, nang Chang plet!


Chang gui naw akshe ami bi nak naw Khanpughi ah ami ng’hlah law ba nak vai cu shungshet ci. Agup khawihnah nak naw huham mah ne k’pang gui ci. Ngami naw Bawipa kä shüm hmat ba ci gui.


Ami pupa Jakob cu ang phi püi ah anau Esua awn ngani cu ani nu ah puk kyong ung, ani om yah ge ung ng’tuk ci goi. Jakob cu ng’vai law neta, Khanpughi hnungtuk ne ng’tuk püi ci.


Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.


Swiv nou:

Piblisite


Piblisite