HOSEA 3:4 - Cho Bible Common Language 2016

⁴ Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

HOSEA 3:4 Referans Kwoze

SUKI GUI 17:5

Cun ah chang Mika hung a khawihnah nak ah hmun om hnga ci. Ani naw a gup gui la khingzih cu pyang ne, ahapa tumat cu taigü ah m’düih ci.

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

HEBRU 10:26

Mikmi cu düng nak mi hmat kawn ah a guih ah mi cheishoh ba ah a kiak ung katnak küikyan nak vai a i kä om ba khai nei.

DANIEL 12:11

A hnüüptä khawihnah nak ang düm nak khin cu kyihkyawk shemshai nak ah akhin ung tün ci, cun ung hnüüp 1290 ng’pyi khai.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.

SUKI GUI 8:27

Kideon naw ghui awn a gup pyang neta, amät ah ng’tüi nak ah gawnu, Ophrah ung tha ci. Israel gui ami van naw Khanpughi cu nawng u ne, acun ah a gup cu khawihnah vai ah hteit ci gui. Cun cu Kideon la akyong chang ah phäh ah cuun ah kyak ci.

PHYAWN NAK 28:4

Ng’e saphaw, shawiphaw, suinu, cüiche ah k’htu, lupawng la sam gui cu ami pyan vai ah na pyen vai nei. Ngami naw taigü khingyih gui cu na phäi Aaron la a hta gui ah phäh ah ami pyan vai nei. Cun ung ngami naw taigü ah kya u ne, kei ah bii cu bik khai gui nei.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

HOSEA 13:11

Kei naw ka m’lungshe nak ung ghangpughang gui ka ning pe gui ci. Ka m’lungso nak awn cun gui avan ka la ba khai.

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

EZEKIEL 21:21

Babilonia ghangpughang cu lam ng’kya m’hnüt nak pei ah ng’düi ci. A i lam ung hteh vai ah a hmat vai ah m’la gui cu k’thüng ci, a ni ah a gup gui cu ng’shik ci; khawihnah nak ah seime ah am sin phi teng ci.

EZEKIEL 20:32

Nangmi naw a hei changpakhui gui ah mäih ah kyak hlü nak ah m’lung cu nami pyang ci, a hei khopäng ung chang gui ah mäih ah sing ghing la lung pou khawihnah nami yum ci. Cun ung phi cun ah kä kya hlawt khai nei.

2 GHANGPUGHANG GUI 23:24

Taigütung Hilkiah naw Taigüim kyong ah a hmuh ah thukhän ca uk ung ami guk ah mäih ah Ghangpughang Josiah naw Jerusalem ungka la Judah khaw ungka, khaw ah kai gui la ng’cecäk ci gui avan, ami im kyong khanpughi gui, a gup gui avan la khongyo khawihnah nak ungka avan cu k’täm yawp ci.

2 SAMUEL 6:14

David cu linen yih sui ne, ak tha gui avan awn Bawipa cu m’tam ne ng’lam ci.

1 SAMUEL 30:7

David naw taigüpa Abiatha, Ahimelek ah hta am, “Shawiphaw na thak law ä” ci sei Abiatha naw thak law ci.

1 SAMUEL 23:6

Ahimelek ah hta Abiatha cu phyawng ne, keilah ah David cu ang dawn tu yah ung, ani naw shawi cu hteh püi ci.

1 SAMUEL 22:18

Cun ah kyasei Saul naw Doeg am, “Nang naw ngawn gui ä! ci sei, Doeg naw ami van ngawn gui ci. Cun ah hnüüp ung ani naw shawiphaw kawt hning ciah taigüpa chei-kip-lei-hma cu ngawn gui ci.

1 SAMUEL 21:9

Ahimelek naw, “Kei ung Philistin Koliath, Elah khaw nawi ung na ngawn ah khim om ci nei; cun cu shawiphaw ah hnu ah k’pyon awn hlawp ah kyak ci. Na ng’ya hlü ung, la ä shin ung li khim cun bäng om ci,” cik ci: David naw, “Kei am na pe ä, cun kawn ah ni ba pi ciah khim a hawi kä om khai nei!”

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

TAIGÜTHUM 8:7

Ani naw Aaron am k’htu la suinu m’sui ne, akhei phi khih sak ci. Ani naw kyang sui phi sui sak ci. Akni ah tah ah kheipat awn acun cu khawng ne akhei pat sak ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

ATÜNNAK 31:34

Rachelah naw khanpughi gui cu la ne, kalauk ung taih ah ng’ip ung thun neta ngoh nak ci. Laban naw kyong khui avan ung shui ne phi a gup gui cu kä hmuk ci.

SUKI GUI 18:14

Laish ah khaw vein gung khaw shui vai ah hteih ciah chang hma naw ami paw gui am, “Shiah im tumat mat ung, sing awn pyang ne, ngui awn vook ah a gup nami hmat ne ang? Cun kawn ah a hei a gup la khingzin phi om khai. Keimi naw a i kami bi ung bä khai ah nami ngai ne ang?” cik ci gui.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

HOSEA 13:10

Nang naw ghangpughang la angvai hta gui cu nak thäh khai. Cun ung phi a i hawkcha ah ngami naw pakhui khaw cu hun hning khai gui aw?

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

PHYAWN NAK 28:6

“Ngami naw shawiphaw cu pyai akpong, ak ih la asen ni ah kyak ciah memu ni, ghui pyai ni, linen ni awn cüiche ne ami tah vai nei.

EZEKIEL 19:14

Sapyit ah a ghing cu mei naw ui ne, angban gui la am theih gui cu mei naw ui ne. Ang ban gui cu kä ghaam ba hlawt ci, mang ah ng’shopawng ah kä kia ba hlawt ci. Shin cu ng’äi kyak ah kyak ci; shin cu m’cu ba gäk gäk vai kyak ci.

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.