HOSEA 3:1 - Cho Bible Common Language 2016

¹ Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

HOSEA 3:1 Referans Kwoze

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

1 PETER 4:3

Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.

ZEKHARIAH 1:16

Cun ah kyasei ka m’gein nak ka m’dang khai ah Jerusalem mang gaw ah ka lawk ci nei. Ka Taigüim cu m’thawh ba vai, ka mang gaw phi cawh ba vai nei.”

JEREMIAH 3:20

Cun ung phi kä bekhüt ciah hnumi ah mäih ah, nangmi cu kei ung kä nami bekhüt ci, kei, Bawipa naw ka pyen nei.”

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

1 KORIN 10:21

Nangmi naw Bawipa ah khap cu aw netah, khoshe ah khap cu kä nami aw hning ci; Bawipa ah tawnglang ung ei netah, khoshe ah tawnglang ung kä nami ei hning ci.

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

AMOS 2:8

Khawihnah nak päng ah chang gui cu suisak ah khan ah ip ci gui, cun cu dukhaih ci gui ah kaa aphu ah ami lak ah kyak ci. Ami Khanpughi ah Taigüim ung ngami cu yu awk ci gui, cun cu ami ngui pu tuk ciah chang gui ah kaa ami lak ah kyak ci.

NEHEMIAH 9:31

Cun ung phi na chimgein nak cu dämduh sei, nang naw kä na nawng gui ci, kä na m’di gui ci. Nang cu chihna, chimgein ciah Khanpughi ah na kyak ci!

2 GHANGPUGHANG GUI 13:23

cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.

2 SAMUEL 6:19

ami van am ei phi pe tak gui ci. Ani naw Israel hnumi pami päng am, m’htut pum ät, meh ket ng’zang ät la ak theih gui cu pe gui ci.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

PHYAWN NAK 32:6

A ngawi ung khaw ngawi hta chang gui naw, m’khih ne khawihnah nak seime gui la douthak ne ei vai gui cu law püi ci gui. Chang gui cu ngo ne ei aw u neta, ng’tunglam ne lawklak ci gui.

1 KORIN 10:7

ngahmi ah mäih ah a gup kämi khawihnah vai ah ana khäntam nak gui ah kyak ci, cacim ung, “Chang gui cu ng’hne ne ei awktat u ne ng’nauknam ci gui” ciah om ci.

MATTHE 26:50

Bawipa Jesuh naw, “Teihpüi aw, nabi vai cu ang ghit ah nabi vai nei,” cine pyen nak ci. Chang gui naw law u ne, Bawipa Jesuh cu pha ne k’pang ci gui.

HOSEA 7:5

Ghangpughang ah pawi hnüüp ung ngami naw ghangpughang la bawi gui cu sapyit tui tu ne awktat sak u ne gu sak gui ci gui.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

1 SHONTÄP NAK 16:3

Cun kawn ah chang gui avan am ei m’bei gui ci. Ani naw Israel khaw ung pami päng, hnumi päng am, m’htut pum ät, meh ng’shai m’ta ät la sapyit ket api ci pe gui ci.

SOLOMON NG’Ä~ 2:5

Sapyit theih ket awn thagui nak be ne, htuitui theih awn na cimvai sak ci nei! Kei cu cümbawng ne ka tha ken ci nei.