HOSEA 2:9 - Cho Bible Common Language 2016

⁹ Cun ah kyasei geit khäm ah khin ung kei naw ka m’cümhnah ah htang ni, sapyit tui ni gui cu la ba ne, a sui vai ka pek ah memu la linen gui cu ka la ba khai nei.

HOSEA 2:9 Referans Kwoze

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

HOSEA 9:2

Cun ung phi kä shou sei nangmi ung htang la oliv situi akdäm kä om ba khai, sapyit tui phi kä om ba khai.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

DANIEL 11:13

“Siria ghangpughang cu ng’hlat ne hteit ba ne, ayanä kaa ah ta da pi khai ah gakap m’cut ba khai. Akhin a gawk law ung ani cu likhim akbe, gakap akhak awn ng’hlat law ba khai.

EZEKIEL 23:26

Ngami naw nami sui gui k’teek u ne, nami pyülung gui lak khai gui.

EZEKIEL 16:39

Kei naw ngami ah huham kiyong ah ka ning tha khai, ngami naw pletbeng nak vai la agup khawihnah nak vai ah name ng’nüt nak ah hmun cu phyek khai gui. Ngami naw na sui sak gui la pyü lung gui u k’set yawp u ne, nak plui ah ning nawng khai gui.

EZEKIEL 16:27

Tuhbäi nang ning m’kyuk ne, nang ah nak chaw hriham cu ning lak pek vai ah ka kut shäng ci nei. Nang mi ning gen gui ne, kä ak ni ah name om ih gui shemshai ci gui ah philistine gui am ka ning ap pyi ci nei.