HOSEA 2:7 - Cho Bible Common Language 2016

⁷ Ani cu am hni gui ah hnu läk ne dawng khai, cun ung phi kä pha gui khai, Ani naw shui gui khai, cun ung phi kä hmu gui khai. Cun kawn ah ani naw pyen khai, “Kei cu ka cei htük ah ka hteit ba khai nei — Kei cu tuhbäi ah ta yanä ung bä pi ne ka om man te ci nei.”

HOSEA 2:7 Referans Kwoze

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

EZEKIEL 23:4

Ang vaipi ah ming cu Oholah ah kyak ci (ani naw Samaria m’dang ci), ak hmawba ah ming cu. Oholibah ah kyak ci (ani naw Jerusalem m’dang ci.) Kei naw ani nik hnih chu na goi ngä sei, nga ni cu hta nau ci goi.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

DANIEL 5:21

Ani cu hnicim chang ungka k’äm u sei, amlung cu khisa ah mäih ah ng’lat ci. Ani cu pyama ng’sela gui awn atäng ah om ne, seipat ah mäih ah khu ei ci. Kho k’häu ung ip sei a i naw kä shung sei, k’daam naw book ci. Ak hnu ah hlüngtai ciah Khanpughi naw, hnicim chang ah uknak khaw avan shum ne, a ghü ah chang am huham pe hning ci, cicu ng’kyaa ci.

DANIEL 4:32

Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”

DANIEL 4:25

Nang cu hnicim chang ungka ning täm khai gui, khisa gui awn ata’ng ah nami om khai. Nang cu khokum chih ung seipat ah mäih ah khumghaw na ei khai. Kho häu ung na ip khai, khüi naw ning book shi khai. Cun kawn ah hlüngtai ciah Khanpughi naw hnicim chang ah uknak khaw avan k’pang ne, a ghü ah chang am pe hning ci, cicu nang naw na ng’kyaa khai.

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

EZEKIEL 23:22

“Tuhbäi, Oholibah, shin cu kei, uktu Bawipa naw ka ning pyen nak nei. Nang cu cän na na m’hni gui awn na yai pyi ci, cun ung phi ngami naw ning m’lungshe na u ne, ning khaai khai gui ah ka law püi gui khai.

EZEKIEL 20:32

Nangmi naw a hei changpakhui gui ah mäih ah kyak hlü nak ah m’lung cu nami pyang ci, a hei khopäng ung chang gui ah mäih ah sing ghing la lung pou khawihnah nami yum ci. Cun ung phi cun ah kä kya hlawt khai nei.

EZEKIEL 16:18

Nang naw kei naw ka ning peh ah Chei awn cuiche ah sui gui cu la ne, agup am m’sui ne, kei naw ka ning pek ah oliv-situi la tui ng’ui cu la ne agup am na douthak ci.

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

JEREMIAH 31:18

“Israel chang gui ayä neta ami pyen cu ka ng’yak ci, ‘BAWIPA, keimi cu sei k’zäng ah mäih ah kami om ci nei, cun ung phi nang naw na bet ng’yak vai ah na na m’thei gui ci. Nang ah ng’hlat law ba vai ah kami pawng püi ci kya sei; na ng’hlah ba püi gui ä. Bawipa, kami Khanpughi.

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.

JEREMIAH 2:28

“Nami mät ah phäh ah nami pyan ah khanpughi gui cu a hawi ang? Khüikha nak ung nami gawk sang ung a cun gui naw ning hun u sä — kä ning hun hning khai ma! Judah, nang ung nami mang gaw gui chü ah da ciah khanpughi gui om ci nei.

ISAIAH 30:16

Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!

SAM 116:7

Ka mumcha, m’lung üp ä, kei ah khan ah Bawipa cu bä pyi ci nei.

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

HOSEA 2:16

Cun kawn ah ani naw acei ah na khü ba khai — Ani naw ani ah Baala ah kä na khü ba khai.

2 SHONTÄP NAK 28:23

Ani naw amät hnim ci gui ah Sirian gui ah khanpughi gui cu khawihnah ne douthak ci. Ani naw, “Sirian khanpughi gui naw Sirian ghangpughang cu m’htei ci gui. Kei naw ka khawihnah gui ung kei phi na m’htei khai gui” cik ci. Acun naw amät la a pakhui ah khan ah leigai gawk law sak ci.

JEREMIAH 44:17

Keimi naw kami bi vai ah kami pyen phung cu keimi naw kami bik kha nei. Keimi naw kami khawihnah nak cu khankho ghangpughangnu, kami khanpughinu am kami do thak khai keimi naw kami sapyit tui-douthak phiani am kami lawi khai, cun cu keimi la kami pupa gui, kami ghangpughang phiani am kami lawi khai, cun cu keimi la kami pupa gui, kami ghangpughang gui la kami bawi gui, naw Judah gawnu gui la Jerusalem lam gui ung ami bi man ah kyak ci. Cun ah kya ne ci vai da sei, bühmang ne, yaica nak kä om man ci.

EZEKIEL 23:12

Ani cun phi Assirian mang gui la Bawi gui ung gang tha aih ci-müitäng ne pyü ciah sui sui ci gui, — la ng’se gakap bawi gui, ngami ami van cu kyom ciah Chang nong gui ah kyak ci.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”