HOSEA 2:3 - Cho Bible Common Language 2016

³ Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

HOSEA 2:3 Referans Kwoze

EZEKIEL 16:22

Paumza ne shemshai ciah ghin nak ung nami om sang ung nang naw hnü ät hta phi nah maw yah cu kä na shüm ba ci-cun yah ung nang cu nak plui ah om ne namät ah si ung na ng’hleu ci.”

EZEKIEL 19:13

Tuhbäi cun cu kho ng’gau khaw, Chawng ne tui kä om ciah khaw ung ng’lin ah kyak ci.

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

THU PHLAAN 17:16

Nang naw na hmu ah khiküi la aki ghaa naw pletbeng ciah hnumi nu cu thüi nak khai gui nei. Ngami naw cun ah hnumi cu a suisak avan suh pe u sei akplui ah om khai nei. A sa cu ei u ne, ani cu mei awn m’khih khai gui nei.

JEREMIAH 51:43

Gawnu gui cu ten gung kyihkyawk vai ah kya u ne, a u naw kä a om nak, hteh phi a u naw kä a hteh nak ah tui kä om ciah bung ah kiakk ci nei.

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

JEREMIAH 17:6

Ngami ci ng’kiang ma ah k’plup ah mäih ah kyak ci gui, cun cu bung hmu kho chawng ung pyo ci, a i naw kä a ghin nak hning ah m’shi tui khonglei ung pyo ci. Cun gui ah khan ah akni phung kä kya lawk ci.

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

JEREMIAH 4:26

Anglei nik ciah khaw cu khaw ng’gau ah kyak ci; Bawipa ah nui aih ciah amlungshe nak awn acun ung mang gaw gui cu di yawp ci.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

ISAIAH 64:10

Nang ah theingthap ciah mang gaw gui cu ng’kiang k’de ah mäih ah kyak ci; Jerusalem cu dishum ne shiu ci,

ISAIAH 47:3

Chang gui naw nang cu k’plui ci sei ning hmuk khai gui; Zungkia ne lü ng’aa ci sei ning hmuk khai gui. Kei naw phu ka tuk khai, a u naw kä na ma na hlawt khai.

ISAIAH 33:9

Khaw phi ngän ne ng’gau ci nei. Lebanon bung cu ng’zaai ne, ang lei nik ciah sharon khawng’noi cu khokäu ah kyak ci nei, Bashan khaw la karmela m’htung ung sing ghing gui ung ka sing hnah gui cu kiwi yawp ci gui nei.

SUKI GUI 15:18

Cun kawn ah Samson cu ang’hei ah tui gha neta, ani naw Bawipa khü ne a pyen cu, “Nang naw shin ah dämduh ciah näng nak na na pek ci, kei tuhbäi tui ghane ka si lawk khai ne, Khanpughi kä yum ciah shin ah Philistin gui naw nap ha lawk khai gui nei?” cik ci.

PHYAWN NAK 17:3

Cun ung phi chang gui cu tui gha law aih u neta, Moses ah ma ah ng’thu m’da lä ci gui. Ngami naw, “A i ah kyasei Egypt khaw ah kaa na na law püi gui ang? Kami hmaw gui la kami seime gui, kami van tui na gha sak gui ne, na na ngawn gui yawp khai ma? cik ci gui.

HOSEA 2:10

Kei naw ani cu am hni gui ah ma ah ak plui ah ka om sak khai. Kei ah ka huham ungka a u naw phi kä hun ba gui hlawt khai.

JEREMIAH 14:3

Bühmang chang gui naw ami changshäm gui cu tui than khai gui ah tüi gui ci gui; ngami cu tukan gui ah hteit ci gui, cun ung phi tui kä hmuk ci gui; ami tui um a ghawng ah ng’hlat law ba ci gui. Ami k’tha ken sei, ng’gogan u ne, ami hmai thup ci gui.

HOSEA 13:15

Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.

JEREMIAH 51:5

Kei, Bawipa m’gäi ciah Khanpughi naw Israel la Judah gui cu, Israel ah Theingcim ciah Tumat ah ka kyak ciah kei cu na hnungfuk püi ne ami hma ung phi kei naw kä nawng gui khai.