HOSEA 2:23 - Cho Bible Common Language 2016

²³ Kei naw kho ung ka chang gui cu om sak gui ne ka bühmang sak gui khai. Kä m’hni ah ami khü gui am m’hni nak ka m’dang gui khai, “Nangmi cu ka ning chang gui nei,” cine ka pyen na gui khai. Ngami naw, “Nang cu kami Khanpughi nei” cine na m’shang khai gui.

HOSEA 2:23 Referans Kwoze

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

ROMAN 3:29

Khanpughi cu Jew chang gui ah Khanpughi bäng ah kya ne ang! Chang khui hei gui ah Khanpughi ah kä kya tu ne ang! Akcang ah van ah Khanpughi ah kyak ci nei.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

HOSEA 1:6

Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.

JEREMIAH 31:27

Kei, Bawipa naw ka pyen ci, kei naw Israel khaw la Judah khaw cu chang la khisa awn kabe sak nak vai ah akhin cu gawk lawk ci nei.

JEREMIAH 32:38

Ngami cu kei ah chang ah kyak khai gui, kei cu ngami ah Khanpughi ah ka kyak khai.

SAM 68:31

Egypt khaw ah ka ng’shä gui law u sä; Sudan chang gui naw ami kut shäng ne Khanpughi ah taigü u sä.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

SAM 118:28

Nang cu ka ning Khanpughi nei, ka ning yei nak ci nei; Na dämduh nak ah mawng cu ka ng’shäu khai nei.

ZEKHARIAH 14:16

Jerusalem tu lawk ciah pakhui ungka, k’pawih ba ci gui ami van cu a kum tä sei law ne, Hlüngtai ciah Bawipa cu ghangpughang ah khawihnah u ne, ng’yii nak ah mang ei pawi cu bik khai gui.

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

SAM 72:16

Kho do kho hmun ung htang-m’guh be sä; khogui khomhtung cu Lebanon ah mäih ah theih ciah sing awn be sä. Lolai ma ah khu m’ghaw abe ah mäih ah mang gaw gui cu chang awn be sä.

ZEKHARIAH 10:9

Kei naw chang pakhui gui ah ng’lung ah ka püi sak gui ci, Cun ung phi a sho nak yung ah om pang u ne phi, kei cu na shüm khai gui. Ngami la ami hta gui cu ghing ne ng’shon ne ami im ah law ba khai gui.

SOLOMON NG’Ä~ 2:16

Kei ah ka m’hni cu kei ah kaa, kei cu ani ah kaa. Ani naw a htomak gui cu tuili chei gui ah ng’lung ah vuh ci,

HOSEA 8:2

Cun ung phi ngami naw kei cu ami na Khanpughi ah na khü u na, Ngami cu kei ah ka chang gui ah pyen u ne, kei cu na hmat ci gui.

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

EZEKIEL 36:29

Kei naw nangmi ning lelawi sak gui ci phung ung ka ning hun gui khai. Kei naw pümhtang gui ada vai ah ka thumkhän khai, cun ung nangmi ung ei ah cawi nak kä om ba khai.