HOSEA 2:2 - Cho Bible Common Language 2016

² Ka hta nau gui, nami nu cu pyen ah vä — ani cu kei ah chu ah kä kya ba ci, kei cu ani ah cei ah kä ka kya ba ci. Pletbeng nak la pawmyau nak cu kä a bi ba vai ah pyen ah vä.

HOSEA 2:2 Referans Kwoze

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

EZEKIEL 23:45

Ng’düng ciah chang gui naw ngani cu ani pletbeng la chang ani ngawn ah phäh ah m’kyuk goi khai gui, a i ah kyasei ci ung ngani cu pletbeng nak bi ne, ani kut cu sin aw kawh ci.”

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

EZEKIEL 16:25

Nang naw na kyom nak cu na ng’nai sak ci. Nang naw lawk ciah chang päng am na paumza na na ap ci, nang cu a hnüüp tä sei na pcumza law piktäi ci.

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

JEREMIAH 19:3

Bawipa naw ka pyen vai ah ana m’thein cu, “Judah ghangpughang la Jerusalem chang gui, kei, m’gäi ciah Bawipa, Israel khanpughi naw ka pyen cu ngai vä. Shin ah hmun ung kei naw leigai ka law püi khai nei, acun ah mawng ng’yak ciah chang nü cu cäicat khai nei.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

EZEKIEL 23:43

Ngami naw pletbeng ne cüm pyi ciah hnumi cu pawmzau chang ah mang ci gui nei cine, ka mät naw ka mät ka pyen ci.

EZEKIEL 20:4

“Hnicim chang, nang cu ngami m’kyuk gui ge vai ah na om ne ang? Na om ung bi ge ä. Ami pupa gui naw ami bi gui ah shemshai nak gui cu m’shüm tu gui ä.

EZEKIEL 16:20

“Nang naw kei awn mi gah ah hta pami hta hnumi gui la ne agup gui om khawihnah nak ah na douthak ci. Kei ung kä na bekhüt nak ah a shet nak cu kä ng’büh sei ang,

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

HOSEA 2:1

Cun ah kya sei, Israel na paw gui cu “Khanpughi ah chang gui, Bawipa ah m’hni gui cine khü gui ä.

HOSEA 4:5

A mü a hnüüp nami cheishoh ci, prophet gui phi a cun ah kyak ci gui, Kei naw ami nu Israel cu ka m’di lawk khai nei.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

JEREMIAH 3:18

Israel cu Judah awn ng’dawn ne, khaw ah a siiptäng om k’tu khaw ah ka law u ne, nami pupa gui am angtäi sei ami kaa nak vai ah ka pek gui ah khaw ung lawk khau gui.

MIKHAH 2:13

Bawipa naw lam pyan pe gui ne, omktu khaw ah ka lam shüm ba gui khai. Ngami naw mang m’kawt cu gäi ne hmawng ne, lut lawk khai gui. Ami ghangpughang Bawipa amät naw lam shüm gui khai.