HOSEA 2:16 - Cho Bible Common Language 2016

¹⁶ Cun kawn ah ani naw acei ah na khü ba khai — Ani naw ani ah Baala ah kä na khü ba khai.

HOSEA 2:16 Referans Kwoze

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

HOSEA 2:7

Ani cu am hni gui ah hnu läk ne dawng khai, cun ung phi kä pha gui khai, Ani naw shui gui khai, cun ung phi kä hmu gui khai. Cun kawn ah ani naw pyen khai, “Kei cu ka cei htük ah ka hteit ba khai nei — Kei cu tuhbäi ah ta yanä ung bä pi ne ka om man te ci nei.”

JEREMIAH 3:14

“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.

THU PHLAAN 19:7

Htomehta ah hta m’um nak gawk law pyi ciah kyasei, mi yeikyai ne a hlüngtai nak cu mi m’kümto khai nei. Ceimah khai ah ng’laamihta cu pawng ge ne om ci nei.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

ATÜNNAK 34:3

Cun ung phi hnumi hta cu kyom ciah hmu law neta ani cu m’hni lawk ci.

SUKI GUI 19:3

Cun kawn ah pami naw a hnu läk law neta, ani ah om nak ah law ba khai ah ng’ge püi ci. Hnumi hta naw Levit cu im kyong ah khü law sei, apa naw hmu neta, yeikyai ne ana dou ci.

RUT 2:13

Ruth naw, “Nang naw na na m’gein aih ci nei, bawi aw, kei cu na changshäm tumat hlawk ah phi kä ka kyak pang ung phi, nang naw ang awi gii ah ng’htau ne na na yeikyai sak ci nei” cik ci.

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

EZEKIEL 20:35

Kei naw nangmi cu changpakhui gui ah bung hmu ah ka ning law püi gui khai. A cu ah nami hmai ung ka ning m’kyuk gui khai.