HOSEA 2:15 - Cho Bible Common Language 2016

¹⁵ Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

HOSEA 2:15 Referans Kwoze

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

JOSHUA 7:26

Ngami naw ani ah khan ah lung akdäm ah pum ci gui, cun cu tuih güt acun ung om ci. Cun ah klia sei cun ah hmun cu tu ä khükha khaw nawi ah sui ci gui. Cun kawn ah Bawipa cu kä m’lungshe ba ci.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

JOHAN 10:9

Kei cu m’kawt ah ka kyak ci, cun ah m’kawt ung kei awn lut ci phung cu hun nak gah khai, ani cu lut ng’laang ne khu ali nak hmuk khai.

AMOS 9:14

Kei naw ka chang gui cu ami khaw ah ka law püi ba gui khai. Ngami naw di ciah ami mang gaw gui co ba u ne, om ba khai gui. Ngami naw sapyit gui geit u ne, sapyit tui awk khai gui; Ngami naw dum bi u ne a cun ung ami geit ei khai gui.

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.

EZEKIEL 16:22

Paumza ne shemshai ciah ghin nak ung nami om sang ung nang naw hnü ät hta phi nah maw yah cu kä na shüm ba ci-cun yah ung nang cu nak plui ah om ne namät ah si ung na ng’hleu ci.”

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

ISAIAH 65:21

Chang gui naw imco khai gui, cun ung ami mät om khai gui-a cun cu chang a hei naw kä om nak khai. Ngami naw sapyit geit u ne, sapyit tui awk khai gui-cun cu a hei gui naw kä awk khai gui. Sing ghing gui ah mäih ah kei ah ka chang gui cu aksho ghing khai gui. Ngami naw ami bilawh phung cu yeikyai ne ei-mang khai gui.

ZEKHARIAH 9:12

Law ba vä, ami k’täm ah chang gui, Tuhbäi nami ngaih u vai om ci nei; Phyawn nak ah nami hmun ung law ba vä. Tuhbäi kei naw ka ning m’thein gui cu, Nami geinvai nak avan ah khan ah, a goi ah hriham ka ning pe gui khai nei.

NG’ÄI KYAH 3:21

Cun ung phi shin ah tumat ka shüm law ba ung, ngaih u nak cu gawk law ba ci.

JEREMIAH 32:15

M’gäi ciah Bawipa, Israel khanpughi naw im gui, lo gui la sapyit lo gui cu shin ah khaw ung hleih bam ä vai nei, cine pyen ci.

SAM 106:12

Cun kawn ah a chang gui naw a shaitaak cu yum u ne, ng’äi awn ani cu m’taam ci gui.

KHEI NAK 21:17

Cun yah ung Israel chang gui naw shin ah ng’äi cu m’cu ci gui: “Tui shawk gui nami tui m’thawk sak vä; Keimi naw ng’äi awn kami ning yavaih gui khai,

HOSEA 12:9

Cun ung phi Bawipa nami Khanpughi, Egypt ah ka ning law püi ba gui ci, kei naw, khong gau khaw ah nangmi ah kei ka law yah ung, nami bi ah mäih ah nangmi cu phung ung ka ning om ba sak gui khai.

ISAIAH 65:10

Ngami naw kei cu na khawihnah khai gui, ngami naw ami htome gui la ami seipat gui cu akhei täng ung sharon dou ung, ak kyang täng ung khüikha khong nawi ung ami lum vai ah lam shüm khai gui.

HOSEA 2:12

Ani naw am hni ah chang gui naw, a ih püi ghui vai ah ami pek ah a pyen ah sapyit gui la thei gui cu kei naw ka m’di khai. Ani ah sapyit dum la sing thei dum cu bung ah ka ng’lat sak khai, cun gui cu khisa gui naw m’di yawp khai gui.

SAM 129:1

Israel gui, nami ga gui naw nami hmaw yah ng tün ne a i hlawk ah ami ning dukdeiu nak gui cu pyen vä,

JEREMIAH 2:1

Bawipa naw na m’thein ci,

JEREMIAH 3:4

“Tuhbäi nang naw kei na na pyen nak ci,” Nang cu ka ning pa nei, kei ka hmaw yah ge ung nang naw na na m’hni ci.

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

EZEKIEL 28:25

Uktu Bawipa naw pyen ci, “Israel chang gui cu kei naw ka püipiang sak nak gui ah changpakhui ungka kei naw ka law püi ba gui khai, cun ung changpakhui avan naw kei cu ka theingcim ciah hmat khai. Israel chang gui cu ami mät ah khaw ung om khai gui, cun ah khaw cu kei naw ka changshäm Jakob am ka pek ah kyak ci.

HOSEA 12:13

Bawipa naw prophet tüi law ne Israel chang gui cu Egypt khaw ah khleihtein ah kya ne om nak ungka gung gui ne m’hteihtang gui ci.

HOSEA 13:4

Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.

SUKI GUI 8:34

Ami pei zung ung ami ga avan ung ka hun gui ciah Bawipa ami Khanpughi ah bi cu kä bi ba ci gui.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.