HOSEA 2:14 - Cho Bible Common Language 2016

¹⁴ Cun ah kyasei kei naw bung puk ah ka hteh püi ba mä khai. A cu ah kei naw m’hni nak ah ng’thu awn ka khü ba khai.

HOSEA 2:14 Referans Kwoze

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

THU PHLAAN 12:14

Cun ah hnumi cu khaw k’häu ung a yawn nak thei vai ah vanbuk hmu ah ng’phia hnih cu gah ci. Ani cu acu ah kum thum la avang ung shawk kphyunu ah gaa phiawn nak khai ah m’hteihtang khai gui ah kiak ci.

ATÜNNAK 34:3

Cun ung phi hnumi hta cu kyom ciah hmu law neta ani cu m’hni lawk ci.

JOHAN 6:44

a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

EZEKIEL 20:10

“Cun ah kyasei kei naw ngami cu Egypt ungka naw bung ah ka hteh püi gui ci.

JEREMIAH 16:14

Bawipa naw pyen ci, “Egypt khaw ah ka Israel chang gui law püi ba gui ciah ghing ciah khanpughi, kei ung chang gui kä ami ng’gun taam nak ba vai ah akhin cu gawk lawk ci nei.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

SUKI GUI 19:3

Cun kawn ah pami naw a hnu läk law neta, ani ah om nak ah law ba khai ah ng’ge püi ci. Hnumi hta naw Levit cu im kyong ah khü law sei, apa naw hmu neta, yeikyai ne ana dou ci.

JOHAN 12:32

Kei cu m’dek ungka chang ne k’phäi nak ka gah kawn ah chang avan cu kei ah gawk lawk khai ah ka thäm khai nei” cik ci.

JOB 36:16

Khanpughi naw khükha nak ung ning law püi gui ne, Nami m’lung üp sei ning yei sak gui ci.

EZEKIEL 20:33

Kei, uktu Bawipa, Ghing ciah Khanpughi akcang, kei naw ka ning k’bäi ci, kei ah ka m’lungshe nak awn, ka kut ak ghat awn, ka huham avan awn kei naw nang cu ka ning uk khai.

MIKHAH 4:10

Ng’hlo ei ciah Jerusalem chang gui, hta lawk khawi ah hnumi ah mäih ah nami kyak ci. Tuhbäi nangmi cu mang gaw nawng shüt ne, khaw ng’piäu ung nami om khai. Nangmi cu Babilon ah nami hteit khai, cun ung phi a cu ah Bawipa naw nami ga ah kut ungka ning hun gui khai.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

JEREMIAH 45:4

“Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

MIKHAH 1:7

Amiktung nak ah agup avan khuui khai ah sheiuh yawp vai, m’gu plet ne ami pum im ah ami pektak phung mei awn m’khih vai. Agup gui avan cu a u naw kä a hmuh hlü vai ah kyak khai. Samaria naw shin gui cu am guk plet awn a gah ah kyak ci, tuhbäi a ga gui naw hteh püi ne a khawhei ah m’guk plet pum im ung m’hluh ci gui.”