HOSEA 2:10 - Cho Bible Common Language 2016

¹⁰ Kei naw ani cu am hni gui ah ma ah ak plui ah ka om sak khai. Kei ah ka huham ungka a u naw phi kä hun ba gui hlawt khai.

HOSEA 2:10 Referans Kwoze

EZEKIEL 23:29

Ngami naw ning thüi na gui ci gui, nangmi naw nami bi phung ngami naw hteh püi khai gui, nak plui ah ning nawng khai gui, pawmzau chang ah mäih ah ak ptui ah nami kyak khai. Na htuk htik nak la na pawnza nak naw

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

ISAIAH 3:17

Cun ung phi kei naw ka m’kyuk gui khai-kei naw ami lu k’teiu pe gui ne, a luplup ah ka nawng gui khai.”

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.

2 SHONTÄP NAK 24:7

(Ahtaliah ah hnu läk ciah hunmishe gui naw Taigüim cu m’shet u neta, theingthap ciah khawh gui akda cu Baala khawihnah nak ung mang ci gui.)

EZEKIEL 16:16

Nang naw na sui amshah cu khawihnah nak ah hmun cüi che nak v ai ah na mang ci, pawnzam ciah hnumi ah mäih ah chang nü am na pumsa na pek ci.

EZEKIEL 16:19

Kei naw ei ka ning pek ci-m’htut den akni pi, oliv-situi, khoitui-cun ung phi, agup gui näng nak ming mah nak vai ah nang naw la ne khawihnah nak ah na douthak ci.” Shin cu Uktu Bawipa naw a pyen ah kyak ci.

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

HOSEA 13:1

Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.