HOSEA 14:7 - Cho Bible Common Language 2016

⁷ Hnü ät mä ngami cu kei ah shungvong nak ung om ba khai gui. Ngami naw htang cu geit u sei, sapyit ah mäih ah m’theih khai gui. Ngami cu lebanon sapyit tui ah mäih ah ming thang khai gui.

HOSEA 14:7 Referans Kwoze

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

JOHAN 11:25

Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.

HOSEA 14:5

Kei cu Israel gui ah khan ah khong gau khaw ung khaw a aa ah mäih ah ka kyak khai. Ngami cu cheipai ah mäih ah pai khai gui. Ngami cu lebanon sing ah mäih ah khäng sei ng’yung khai gui.

HOSEA 6:2

A hnüüp goi thum ung ani naw na dou ba sak gui khai. Ani ah ma ah mikmi cu ghing ne mi om khai.

EZEKIEL 17:23

Israel gui ah hlüng pikbäih ciah khomthung ung ka geit khai. Cun cu akda ah ng’ban ne, m’theih ne ui ne bä ciah cedar sing ah kya lawk khai. Kha nü nü cu a cun ung ng’yii u ne ami ng’bu nak vai ah ng’zi nak cu hmuk khai gui.

ISAIAH 61:11

Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

SOLOMON NG’Ä~ 6:11

Kei cu patan sing gui ah ng’lung ah ka kyum lawk ci nei, kho ng’nawi ung sing k’pyou gui ka teng khai, sapyit ah a hnah thai gui ka teng khai, htale sing ah a pai gui phi ka teng khai nei.

SOLOMON NG’Ä~ 2:3

Kei ah ka m’hni pi cu ahei pami gui awn m’täng ung, bunghmu sing ghing gui ah ng’lung ah htuitui sing awn täng ci nei. Kei cu ani ah ng’hnim ung ka ngaw hlük ci, acun ah m’theih cu ei ung tuui aih ci nei.

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

SAM 85:6

Na k’thamah ba sak gui ä, keimi, na na chang gui naw kami ning m’taam khai nei.

JOHAN 12:24

Kei naw akcang ka pyein cu, geit m’shi cu m’dek ung kä va kya ne, kä thuce ne a om ah a kyak ung, amät ah kawn ah kä da lawpi hlawt khai nei. M’dek ung va kya netah, athu ce ung vah akda ah vuipai m’theih tak ba man ci;

HOSEA 2:21

Cun ah khin ung kei naw ka chang gui Israel gui ah taigü cu ka m’shang khai. Kei naw khomdek khan ah khaw ka aa sak khai. Cun ung khomdek ung htang ni, sapyit ni, olive ni gui cu m’theih pai khai gui.

SOLOMON NG’Ä~ 4:11

Ka m’hni aw, na m’nei cu khoitui ah mäih ah tui ci; nang ah m’lei cu kei ah phäh ah suuk tui la khoi tui ah kyak ci nei. Na suisak gui cu Lebanon tui ng’ui avan ah mäih ah kyak ci nei.