Biblia Todo Logo
Bib sou entènèt

- Piblisite -




HOSEA 14:4 - Cho Bible Common Language 2016

4 Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

Gade chapit la Kopi




HOSEA 14:4
30 Referans Kwoze  

“Ngami ah hnün thawh cu kei naw ka hmu gui ci, cun ung phi kei naw ka gai sak gui khai. Kei naw lam ka shüm gui khai, ka m’htei htang gui khai, thüi sei ci gui ka m’shuun gui khai.


Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.


Bawipa na Khanpughi naw ning om püi ci nei; A huham naw näng nak ning pek khai. Bawipa cu nang ung yeikyai ne, amhni nak awn ghin nak akthai ning pek khai, Ani cu nang ah khan ah yei ne ng’äi m’cu khai.


Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?


Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.


Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.


Cun ung phi mi Hunbawi Khanpughi ah chihna nak la m’gein nak cu a dang law ah a kyak ung,


Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.


Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!


Cun ung phi chang gui hun gui ciah Jesuh Khrit ung, Khanpughi naw, a phu kä peit ah m’gein nak awn chang gui cu düng sak gui ci.


Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.


Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.


Bawipa, na k’pün ä, kei akcang ah ka gai khai nei; na gung ä, kei akbe ah ka phyawng khai nei. Nang cu kei ah ning m’hlüngtai tumat ah na kyak ci nei!


Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?


Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.


Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.


Phinehas ah abi ah phäh ah Israel chang gui ah khan ah kä ka m’lungshe ba ci nei. Ani cu kei ah kawn ah a hei khanpughi khawihnah vai cu mak ci. Kei bäng na khawihnah ci, cun ah kyasei kei naw ka m’lungshe nak awn ngami kä ka m’di gui ci.


Moses a pyen nak cu, “Israel ah ami ng’vai gui ami van la gui neta, kei kä na ngai ci gui cu hnüüp ng’lung yah ung nami m’kat gui vai, cun kawn ah cun ah chang gui ah khan ah kei kä ka m’lung she ba khai” cik ci.


Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.


Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!


“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.


Kei naw chang shekha cu na sik khai, cine ng’thu ka k’bäi ci, cung phi ani naw katnak nawng ne düng ci la nik ci a bi ah a kyak ung —


Cun kawn ah apeileng ah k’pawih ba ciah mang gaw gui naw hmat khai gui, kei, Bawipa naw dishum ciah mang gaw gui cu co ba nei, shiu ciah lolai gui cu ka geit ba ci. Kei, Bawipa naw shai ka tak ci, shin cu kei naw ka bi vai ah kyak ci — kei naw ka bik khai.”


Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.


Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.


Israel, nang cu ka chu ah ka ning pyang khai; Cun cu düng khai, bekhüt khai; kei naw ng’täi ciah m’hni nak la chimgein nak ka ning m’dang khai. Ngawi yä ka chang ah ka ning pyang khai.


Swiv nou:

Piblisite


Piblisite