HOSEA 14:3 - Cho Bible Common Language 2016

³ Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

HOSEA 14:3 Referans Kwoze

SAM 68:5

Theingcim ciah Taigüim ung om ciah Khanpughi naw hmei hta gui cu tengkhen gui ne, hmeinu gui cu m’hteihtang gui ci.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

HOSEA 2:17

Kei naw ani cu Baala ah ng’thu kä ka pyen ba sak khai.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

ISAIAH 30:16

Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!

SAM 33:17

Ng’tuk nak ah ng’se gui ung näng nak kä om ci, Bä ciah ami thagui naw kä hun gui hlawt ci.

JOHAN 14:18

“Kei ka hteh law ung nami mät kä ka ning nawng gui khai,

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

HOSEA 8:9

Ng’sela ah mäih ah ami m’lung ling ci. Israel chang gui cu ami mät ah lam ung hteit ci gui. Ngami naw Assiria ah hteit ne ami m’htei gui vai ah ng’shui ci gui. Ngami shungvong gui khai ah ahei pakhui gui cu ngui pe ne ghüh ci gui.

HOSEA 8:6

Israel gui m’si shep ci gui naw agup gui pyang ci gui. Cun ung phi cun cu khanpughi ah kä kyak ci. Samaria ung ami khawihnah ah ghui vantang cu akhui ak pi ah kyak khai nei.

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

EZEKIEL 37:23

Ngami naw ami mät shemshai ciah agup gui awn kä lelawi ba sak khai gui, ami katnak awn ami mät ka m’shet ba khai gui. Kei naw ngami cu ami katnak lam gui la kei ami na katnak avan ungka kei naw ka m’hlawt gui khai. Kei naw ka theingthap sak gui khai: ngami cu kei ah chang ah kyak khai gui kei cu ngami ah Khanpughi ah ka kyak khai.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

ISAIAH 36:8

Kei naw ghangpughang ah ming awn nangmi ka ning längna püi gui khai. Nungmia naw ng’cum khai ah chang hami hmuh vai ah a kyak ung, kei naw ng’se phia m’ku ka ning pe gui khai.

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

SAM 146:3

Hnicim chang bawi cu kä nami ngaih u vai; hnicim chang naw kä ning hun gui hlawt khai.

2 SHONTÄP NAK 16:7

Cun yah ung prophet Hanani naw ghangpughang Asa ah hteit neta a pyen nak cu,” Nang naw Bawipa na Khanpughi na ng’ge ng’pai nak vaisü nak ung Siria ghangpughang na ng’ge ng’pai püi ah kya ne, Israel ghangpughang gakap cu phyawn pyi ci nei.

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

JEREMIAH 49:11

Nami hmeihta gui nawng shüt vä, kei naw ka m’htei gui khai. Nami hmeinu gui cu kei ung shungshet u sä.

HOSEA 4:12

Ngami naw na lam ah mawng sing k’pi ng’shik ci gui. Ngami naw ami hmat hlü cu htung phe naw m’thein gui ci. Ngami naw kei na hteh tak ci gui. Pawmyau ciah hnumi ah mäih ah ngami naw ahei khanpughi am ami mät cu ap ci gui.

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

JONAH 2:10

Cun kawn ah Bawipa naw nganu cu täkphan sei nganu naw Jonah cu tuikem ah m’sha ba ci.