HOSEA 13:6 - Cho Bible Common Language 2016

⁶ Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

HOSEA 13:6 Referans Kwoze

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

NEHEMIAH 9:35

Nang naw na pek gui ah ng’shawng ne anglei nik ciah khaw ung ami om yah ung nang ah hriham awn ghangpughang gui naw na chang gui cu uk ci gui; Cun ung phi ngami cu katnak ungka kä ng’hlat law ba ci gui, na bii phi kä bik ci gui.

THULÄÄN NAK 32:18

Ami Khanpughi, m’gäi ciah ami hunbawi, ami ghin nak pe gui ci cu, Ngami naw m’hnih ci gui.

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

HOSEA 8:4

“Ka chang gui naw ghangpughang cu ghü ci gui, Cun ung phi cun ah khan ah ami mät ah ng’yak hlü ah bik ci gui. Ngami naw ami ng’vai gui cu m’düih ci gui, Cun ung phi kei ah yum nak kä om ci. Ngami naw ami ngui, ami ghui la ne agup gui pyang ci gui — cun cu ami mät ah di nak vai ah kyak ci.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

ISAIAH 17:10

Israel, nang ning guang ne, lung k’pou nu ah mäih ah kya ne ning shungvong ciah khanpughi cu na m’hnih ci nei. Cun nak vaisü ung a khohei chang gui ah khanpughi khawihnah nak vai ah sing ghing theing na geit ci nei.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

EZEKIEL 23:35

Tuhbäi shin cu uktu Bawipa naw a pyen nei: Nangmi naw kei na m’hnih ne nami na ng’hlah tak ah phäh ah, nami htuk htik la nami pawmzau ah phäh ah nami yaica khai.” Ng’pai nam goi Ani nik hnih ah khan ah khanpughi ah ng’thumcha nak

EZEKIEL 28:5

Nang cu sumlei nak ung na bilo thei ci kya ne atawnglawn cu na gah ci. Nang cu na khawh cham awn na khäh ghäh aih ci nei!

HOSEA 2:7

Ani cu am hni gui ah hnu läk ne dawng khai, cun ung phi kä pha gui khai, Ani naw shui gui khai, cun ung phi kä hmu gui khai. Cun kawn ah ani naw pyen khai, “Kei cu ka cei htük ah ka hteit ba khai nei — Kei cu tuhbäi ah ta yanä ung bä pi ne ka om man te ci nei.”

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

HOSEA 4:7

“Nangmi taigü gui da law pi u ne, kei na kat na ne hnungtuk ci da law pi ci.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

HOSEA 8:14

“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

HOSEA 12:8

Ngami naw, “Mikmi cu mi bühmang ci, khawh akda mi tak ci. A u naw phi kä düng ci awn mi bühmang ciah kä na bün gui hning ci,” cik ci gui.

HOSEA 5:14

Israel la Judah chang gui cu phongkawng ah mäih ah kia ne kei naw ka tu gui khai. Kei ka mät naw akhui pi ah kyak khai gui ah k’teek gui ne ka hteh ta gui khai. Kei naw ngami ka kaih gui ung a u naw ngami kä hun gui hlawt khai.