HOSEA 13:5 - Cho Bible Common Language 2016

⁵ Chawng ne ng’gau ciah khaw ung kei naw ka ning m’hteihtang gui ci.

HOSEA 13:5 Referans Kwoze

THULÄÄN NAK 32:10

“Ani naw ngami cu bungpuk ah ng’vak shui u sei hmu gui ci. Cun cu chang ah kä omnak, khaw häu bungpuk,

THULÄÄN NAK 8:15

Am äm mah k’phyu la m’khaw gui ah om nak ng’shawng ne kyih vai kyak ciah bung gui phi ning kaan sak gui ci. Cun ah chawng ne tui kä om ciah khaw ung, ani naw nangmi ah hmawk ah lungliu ungka tui luh law sak ci.

THULÄÄN NAK 2:7

“Nami bi nak päng ung Bawipa nami Khanpughi naw a i hlawk ah hriham a ning pek gui cu nami shüm ba vai. Shin ah ng’shawng ciah bung ung nami ng’vah yah ung ani naw ning m’htei gui ci. Shin ah khawkum phlikip ung ani naw ning om püi gui ci, nangmi naw nami ng’yak hlü päng nami gah ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

NAHUM 1:7

Bawipa cu nik ci; Khüikha nak a gawk law ung A chang gui cu shungshet gui ci, Ani täng ah ng’hlat lawk ci gui cu, ani naw m’htei gui ci.

SAM 142:3

Kei cu m’lung k’si ge vai ne ka kyak ung, kei naw a i ka bi vai cu ani naw hmat ci. Ka hteh nak vai ah lam ung ka ga gui naw ng’thup ne na k’dum ci gui.

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

PHYAWN NAK 2:25

Ani naw Israel gui khleihtein ah ami kyak cu hmu gui neta ngaih pe gui ci.

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

SAM 31:7

Ng’täi ciah m’hni nak ah hmawk ah kei cu ka yeikyai khai nei. Kei ah ka yaica cu nang naw na hmuk ci, kei ah ka khüikha cu nang naw na hmat ci.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

ATÜNNAK 31:40

Hnüüp ah khawhni na ng’ling sei, mü ah k’daam na ui sei ka bik ci, ih ah phi akni ah kä ka ip ci.

HOSEA 5:3

Israel a i ah mäih ami law cu kei naw ka hmat ci — ani cu kei ungka kä ng’thup hlawt khai. Ani cu kä bekhüt ci, Ani ah chang gui cu kei na khawihnah khai ah kä khin kha ci gui.”

HOSEA 9:10

Bawipa naw pyen ci, “Kei Israel gui ka hmuh gui htük yah ung khonggau kho ah sapyit ghing gui hmuh a mäih ah kyak ci. Kei naw nami pupa gui ka hmuh htük yah ung kho aa ung up law ma ciah thei ah mäih ah kyak ci. Cun ung phi ngami Peor m’htung ung mi gawk law yah ung ngaminaw tün ne Baala cu khawihnah ci gui. A cun vai am ami m’hni ah khanpughi gui ah mäih ah shemshai ci gui.