HOSEA 13:4 - Cho Bible Common Language 2016

⁴ Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.

HOSEA 13:4 Referans Kwoze

HOSEA 12:9

Cun ung phi Bawipa nami Khanpughi, Egypt ah ka ning law püi ba gui ci, kei naw, khong gau khaw ah nangmi ah kei ka law yah ung, nami bi ah mäih ah nangmi cu phung ung ka ning om ba sak gui khai.

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

LAMKTU 4:12

Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.

2 GHANGPUGHANG GUI 18:35

Shin ah kho gui ami van ah khanpughi gui naw ami khopäng gui cu keimi ah uktubawi ah kut ungka hun man ne ang? Cun ah kyasei Bawipa naw Jerusalem mä hun hning khai ah nami ngai ne ma?” cik ci.

HOSEA 2:15

Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

HOSEA 2:20

Kei naw ka shaitak paang ne ka kaa ah ka ning pyang khai, Nang naw kei cu Bawipa ah na na k’bäi khai.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

HOSEA 12:10

“Kei naw prophet gui cu ng’thu püi gui ne, muimang akda ka pe gui ci, prophet gui ung ka chang gui cu ng’thukbäi ka pe gui ci.

JONAH 2:10

Cun kawn ah Bawipa naw nganu cu täkphan sei nganu naw Jonah cu tuikem ah m’sha ba ci.