HOSEA 13:2 - Cho Bible Common Language 2016

² Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

HOSEA 13:2 Referans Kwoze

HOSEA 2:8

Ani naw Baala khawihnah nak ung amang ah htang ni, sapyit tui ni, olive situi ni, ngui la ghui ni avan cu kei ka pek ah kä pyen phung ci nei.

ISAIAH 46:6

Chang gui naw ami ghui ng’ip ung ghui cu k’plawk u ne, ngui cu khin nak awn khin u ne ta, khanpughi pyang khai ah ghui sheh ci cu ng’vat ci gui; cun kawn ah m’khuk dong ne, khawihnah ci gui!

1 GHANGPUGHANG GUI 19:18

Cun ung phi kei naw Israel ung chang phia chih kip cu ka ghin sak gui khai — ngami ami van cu kei ung bekhüt u ne, Baala ma ung kä kawp ci gui, ani ah a gup kä ng’ui hnam ci gui ah kyak ci.”

JEREMIAH 10:4

Cun kawn ah ngui la ghui awn cüiche ci. Cun cu kä a yung kiak vü vai ah m’si awn khen ne ami pyan ah kyak ci.

ROMAN 11:4

Cun ung phi Khanpughi naw Elijah ah ma ah thu a pyein ba cu, “Kei naw Baal khoshe ah gup kä khawihnah ciah, chang tämkäp chih cu, ka mät ah hmawk ah ka k’pawih na pyi ci nei,” ciah kyak ci.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

HOSEA 11:6

Ng’tuk nak naw ami mang gaw gui cu pheet gui khai. Mang gaw m’kawt gui ng’gäi ci gui, ka chang gui cu acun naw m’di gui khai. A i ah sei ci ung ami mät naw nipi khai amki ngaih ah ami bi ah phäh ah kyak ci.

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

HOSEA 8:6

Israel gui m’si shep ci gui naw agup gui pyang ci gui. Cun ung phi cun cu khanpughi ah kä kyak ci. Samaria ung ami khawihnah ah ghui vantang cu akhui ak pi ah kyak khai nei.

HOSEA 8:4

“Ka chang gui naw ghangpughang cu ghü ci gui, Cun ung phi cun ah khan ah ami mät ah ng’yak hlü ah bik ci gui. Ngami naw ami ng’vai gui cu m’düih ci gui, Cun ung phi kei ah yum nak kä om ci. Ngami naw ami ngui, ami ghui la ne agup gui pyang ci gui — cun cu ami mät ah di nak vai ah kyak ci.

ISAIAH 46:8

“Shin cu shüm ba vä, hmakat chang gui; kei naw ka bi gui cu ngaih-tüh ba vä.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

2 SHONTÄP NAK 33:23

Cun ung phi ani cu apa ah mäih ah kä kya ne, amlung kä neim sak ci, Bawipa ah kä ng’hlat law ba ci, ani cu apa ah däm pi ci ah katnak bik ci.

2 SHONTÄP NAK 28:13

Ngami naw, “Nami pha gui shin ung kä law püi en vä! Mikmi naw Bawipa hnungtuk püi ne katnak mi bi u ne, ana m’kyuk gui vai ah mi m’lungshe sak ci nei. Tukbäi nangmi naw mikmi ah cheishoh nak däm law pi khai ah nami bi hlük ci nei.”

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

KHEI NAK 32:14

Tuhbäi nangmi cu nami pa gui ah hnün ung nami ngaw ba ci, kak ciah chang ah ng’shon thai ah kya u ne, Israel gui ah khan ah Bawipa ah m’lung she nak pi, nami la pyi ci nei.

JEREMIAH 10:8

Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?

HOSEA 4:17

Israel chang gui cu agup mang nak ah kaa ung om pyi ci gui. Ami hteh nak hlü ah lam ung hteit tei u sä.

HOSEA 8:5

Samaria mang gaw ung chang gui naw ami khawihnah ah ghui vantang gup cu kei naw ka thüi nak ci. Ngami ah khan ah kei cu ka m’lungshe aih ci, Ngami naw agup ami khawihnah nak cu a i khäta nawng khai gui ang?

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

ISAIAH 44:11

A cun khawihnah ciah chang nü cu m’shung nak gak khai nei. A gup pyang ci gui cu hnicim chang gui nei, i kä ng’taih ci nei. Ngami cu law ne ng’cet law u sä — ngami cu cäi ne ng’hlet ne, lü ng’aa khai gui nei.

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.