HOSEA 13:15 - Cho Bible Common Language 2016

¹⁵ Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.

HOSEA 13:15 Referans Kwoze

EZEKIEL 19:12

Cun ung phi m’lungshe ciah kut gui naw angzung ah mawi u ne, m’dek ung ghawt ci gui. Kiang khokhi naw am theih gui cu chawng sak ci. Angban gui gui cu hnget yawp ci; Cun gui cu chawng u sei, mei Awn m’khih ci gui.

EZEKIEL 17:10

Cun cu ng’lin ah kyak ci, cun ung phi ne däm khai ang? Kiang khokhi naw akhi law ung ng’yai khai ah kä kya ne ang? Amät ah däm law nak ah hmun ung ng’yai khai ah kä kya ne ang?

JEREMIAH 4:11

Ng’kiang khokhi na ngami täng ah akhi law ah mawng Jerusalem chang gui am m’thein nak gui vai ah akhin gawk lawk ci nei. Cun cu angshi bäng zon ciah kyäp nep ciah khokhi ah kä kyak ci —

ATÜNNAK 49:22

Joseph cu tuihta kem ah ng’sela k’zäng ah kyak ci. Khogui nawi ah m’shing sing ah kyak ci.

ATÜNNAK 41:52

“Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

NAHUM 2:9

Ngui phi ng’yäi ci! Ghui phi ng’phyang ci! Mang gaw ung khawh be ci!

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

HOSEA 9:11

Israel gui ah dämduh nak cu kha ah mäih ah ahei ah yong khai. Ngami cu kä hta nau ba khai gui, a u hnumi phi kä käu mah ba khai, kä hta ba khai.

HOSEA 4:19

Ngami cu khokhi ah yon ah mäih ah kyak khai gui, khogam ami khawihnah ah phäh ah thui ng’aa khai gui.

DANIEL 11:8

Ani naw ami khanpughi gui ah agup gui la a cun ah khanpughi gui ami khawihnah nak ah ghui la ngui khawh gui cu Egypt khaw ah hteh püi ba ci. A ding gei nak khokum a shou kawn ah,

JEREMIAH 51:36

Cun ah kyasei Bawipa naw Jerusalem chang gui a pyen nak gui cu, “kei naw nangmi ah mawngma cu la u ne, nangmi ah khan ah ami bi ah mäih ah nami ga gui ah khan ah ka bik khai. Kei naw Babilonia ah tui khawng cu kawi sak ne, a tuinu gui ka ket sak khai.

JEREMIAH 20:5

Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

ISAIAH 41:16

Nangmi naw khokhi ung nami m’shon gui khai; khokhi naw zon gui khai, khokhinu naw k’püipawng gui khai. Cun kawn ah nangmi cu nami yeikyai khai, a i ah kyasei ci ung kei cu nami na khanpughi ah kyak ci; Israel gui ah theingcim ciah khanpughi, kei cu nami na m’tam khah khai.

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.

ISAIAH 14:21

Ngawn sih nak tuhbäi ng’tün sä! Ami pupa gui ah shekat ah phäh ah shin ah ghangpughang ah hta gui si u sä. A u naw phi khomdek kä uk khai gui, mang gaw kä uk khai gui.

SAM 109:13

A hta ng’shon avan si sä, Ng’shon ba ung ani ah ming cu m’hnih u sä.

SAM 1:4

Cun ung phi chang shekha gui cu cun ah mäih ah kä kyak ci; Ngami cu khokhi naw a yon ah ko ah mäih ah kyak ci gui.

JOB 18:16

Ani ah apya gui la ang ban gui cu ng’yai ne chawng ci gui.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

ATÜNNAK 48:19

Apa naw ma neta, “Ka hta aw, ka hmat ci nei, ka hmat ci, Manasseh ah hta ng’shon cun phi chang kuikyang ah kyak khai nei. Cun ung phi anau cu cun ah däm pi ne, ani ah ng’shon cu pakhui küi ah kyak khai nei” cik ci.

ATÜNNAK 41:6

Cun kawn ah ang ma gin ne khokhi aa sei ng’shi ciah htang vui chih cu lut lawk ci gui.

ISAIAH 27:8

Bawipa naw a chang gui cu om k’tu khaw ah tüi gui ne m’kyuk gui ci. Ani naw ngami cu kiangtäng ah ka, m’gäize ciah khokhiawn hteh püi gui ci.

JEREMIAH 4:12

Bawipa ah ng’thumkhän awn khi ciah khokhi cu acun ah ta gaigawng pi ci nei! A chang gui ah khan ah m’khan ah ng’thumcha nak ng’shäu cicu Bawipa amät ah kyak ci nei.

JEREMIAH 51:1

Bawipa naw pyen ci, “Kei naw Babilonia la a chang gui hnungtuk he m’di gui khai ah khokhi cu ka law püi ci.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

JONAH 4:8

Khaw sou law khäta Khanpughi naw ng’liing ciah hnilaw khokhi cu khi sak khäta, Jonah ah lu ah khan ah hniliing yuk so sei, a cun ah ng’ling ung geinvai ci. Cun ah kya ne ani cu si hlük ci. Ani naw, “Ka ghin nah dam ka sih cu bä khai nei” cik ci.

ATÜNNAK 41:23

Cun kawn ah khokhi aa sei pim ne ng’shi ciah htang vui chih cu lut lawk ci.