HOSEA 13:13 - Cho Bible Common Language 2016

¹³ Israel gui cu ghin nak vai chaw nak ci gui. Cun ung phi cun ami lak vai ah ang aih ci gui — Hta nak vai ah akhin ah kyasei phi puk ungka aluh law vai ah mak ciah a hmaw awn täng ci gui.

HOSEA 13:13 Referans Kwoze

ISAIAH 37:3

Shin cu Isaiah am ami pek vaiah am thein gui ah ng’thu ah kyak ci; “Tuh ngami cu yaica nak ah hnünp ah kyak ci; mikmi cu m’kyuk nak gah ne lüng’aa ne mi om ci. Mi’kmi cu hta law ge vai neta, ak tha maih ciah hnumi ah mäih ah mi kyak ci.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

ISAIAH 26:17

Nang, Bawipa naw keimi cu, anau poi m’neh ciah hnumi ah mäih ah na na kyah m’lau sak gui ci nei.

SAM 48:6

A cu ah ngami cu kyi u ne cat u neta, hta lawk khai ah hnumi ah mäih ah kyak ci gui,

2 GHANGPUGHANG GUI 19:3

Shin cu Isaiah am ami m’thein vai ah a pyen nak gui ah ng’thu ah kyak ci: “Tuhngawi cu khüikha nak ah hnüüp ah kyak ci; mikmi cu m’kyuk nak mi gah ne mi lü ng’a ci. Mikmi cu hta law ge khai ah hnumi ak tha maih sei kä hta hlawt ciah mäih ah mi kyak ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

NG'THU K'THUUK~ 22:3

Langkha ciah chang naw khüikha nak a gawk law cu hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yu ba ci.

2 KORIN 6:2

Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

JEREMIAH 22:23

Nangmi cu Lebanon ah ka ami law püi ah cedar sing gui ah ng’lung ah phyawng m’htein ne nami om ci; cun ung phi m’neh nak naw a ning ci law gui ung a i hlawt ah ning m’gein gui vai ah kyak khai aw, cun ah natnak cun anau poi m’neh ciah hnumi ah m’hneh ah mäih ah kyak khai nei.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

ISAIAH 66:9

Kei naw ka chang gui cu a hta nak vai ah khin gawk sei phi kä hta ciah mäih ah ka law püi gui khai ah kä nami ngaih vai nei.” Bawipa naw pyen ci,

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

JOHAN 16:21

Hnumi tumat cu a hta law vai ung a nau poi m’neh ne ang htei ah yaica ci, cun ung phi a hta kawn ah m’dek khan ah chang tumat ng’tüi lawk ci kyasei, anat nak cu kä shüm ba ci.

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

HOSEA 5:4

Chang gui naw akshe ami bi nak naw Khanpughi ah ami ng’hlah law ba nak vai cu shungshet ci. Agup khawihnah nak naw huham mah ne k’pang gui ci. Ngami naw Bawipa kä shüm hmat ba ci gui.

JOHAN 5:4

(Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)