HOSEA 13:1 - Cho Bible Common Language 2016

¹ Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.

HOSEA 13:1 Referans Kwoze

HOSEA 11:2

Cun ung phi kei naw ani khü law pi ngä sei, Ani naw kei nang hlah ta law pi k’täi ci. Ka chang gui naw baal am khawihnah nak pe u ne, agup gui am ang ui m’khih ne pek ci gui.

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

1 GHANGPUGHANG GUI 12:25

Israel Ghangpughang Jeroboam naw Ephraim kho gui ah Shekhem gawnu cu ng’vongpaang ne, a cu ah a shäng om ci. Cun kawn ah acun cu hteh ta ne Penuela gawnu cu vongpaang ci.

1 SAMUEL 15:17

Samuela naw, “Namät naw namät kä küikyang ciah na ngaih ung phi, nang cu Israel pakhui ah ng’vai pi ah na kyak ci,

SUKI GUI 12:1

Ephraim chang gui cu ng’tuk vai ah pawng m’htei ci gui; ngami cu Jordan tuinu kat ne, Zaphon ung gawk u neta Jephtha ami pyen nak cu, “A i ah kyasei a täng ah keimi kä na khü gui ah khawgi kan ne Ammonit gui tuk gui vai ah na hteh ang? Keimi naw nang la na im cu mei awn kami m’khih khai nei! cik ci gui.

SUKI GUI 8:1

Cun kawn ah Ephraim chang gui naw Kideon am, “Midianit gui na tuk gui vai yah ung a i ah kyasei kä na na khü gui ang? A i ah kyasei shin cha ah na na kyak nak gui ang?” cine ana pyen nak ci gui.

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

KHEI NAK 13:16

Shin gui cu cun khaw ung ng’däät khai gui ah Moses naw a tüih gui ah sübük gui ah kyak ci. Ani naw Nun ah hta Hoshea ah ming cu Joshua ah sui ba ci.

KHEI NAK 10:22

Cun kawn ah Ephraim pakhui lam ma ciah catai ka ung ang pai naw tün ci gui. Bum ät kawn ah bum ät hteit u ne, Elishama Ammihud ah hta naw thumkhän gui ci.

ATÜNNAK 2:17

Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

ROMAN 5:12

Shetkat nak cu khomdek khan ah chang tumat awn gawk law ci, ani ah katnak awn sih nak phi gawk lawk ci. Cun ah kya sei hnicim chang van cu katnak bi u ne, sih nak ung gawk ci gui.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

JOB 29:21

Kei naw ka m’cum cäi gui ung chang gui cu kä shipdep u ne, kei ah pyen cu tügüh ne ngai man ci gui.

JOB 29:22

Kei naw ka pyen yawp ung ngami naw ami k’be vai a i kä om ci. Kei ah ka ng’thu gui cu kho k’aa ng’ma ah mäih ah ngami ung lut yawp ci.

HOSEA 2:8

Ani naw Baala khawihnah nak ung amang ah htang ni, sapyit tui ni, olive situi ni, ngui la ghui ni avan cu kei ka pek ah kä pyen phung ci nei.

HOSEA 8:4

“Ka chang gui naw ghangpughang cu ghü ci gui, Cun ung phi cun ah khan ah ami mät ah ng’yak hlü ah bik ci gui. Ngami naw ami ng’vai gui cu m’düih ci gui, Cun ung phi kei ah yum nak kä om ci. Ngami naw ami ngui, ami ghui la ne agup gui pyang ci gui — cun cu ami mät ah di nak vai ah kyak ci.

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

HOSEA 2:10

Kei naw ani cu am hni gui ah ma ah ak plui ah ka om sak khai. Kei ah ka huham ungka a u naw phi kä hun ba gui hlawt khai.