HOSEA 12:9 - Cho Bible Common Language 2016

⁹ Cun ung phi Bawipa nami Khanpughi, Egypt ah ka ning law püi ba gui ci, kei naw, khong gau khaw ah nangmi ah kei ka law yah ung, nami bi ah mäih ah nangmi cu phung ung ka ning om ba sak gui khai.

HOSEA 12:9 Referans Kwoze

HOSEA 13:4

Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

JOHAN 7:2

Jew chang gui ah geit ah shawk nak ah pawi cu ng’et lawk ci;

JEREMIAH 35:7

Im kä kami cawh vai, lo kä kami bi vai, sapyit kä kami geit vai, dä kami khleih vai ah phi na m’thein gui ci. Angtäi sei phung ung kami om vai ah ani naw na thumkhän gui ci, cun ah kyasei shin ah khawung keimi cu chang lam k’hteit ah mäih ah kami om ci.

SAM 81:10

Kei cu Egypt kho ah ka, ka ning law püi ba ciah, Bawipa na Khanpughi nei. Na shai m’an ä, ka ning m’bei khai nei.

EZRA 3:4

Ngami naw ng’yiinak ah pawi cu thungyo man ah mäih ah bik ci gui. A hnüüp tä acu hnüüp khawihnah vai ah k’thäh phung cu ngami naw douthak ci gui.

KHEI NAK 15:41

Kei cu Bawipa, nami Khanpughi; nami na Khanpughi nak vai ah Egypt khaw ungka ka ning law püi ba gui ci, Kei cu Bawipa nei.”

TAIGÜTHUM 26:13

Kei, Bawipa nami Khanpughi naw, Egypt khaw ungka ka ning law püi ba gui ci, cun ah kyasei nangmi cu changshäm ah kä nami kya ba khai. Kei naw ning yung kyak sak ciah huham cu ka cheiuh pyi ci, kei naw nami lu häng khai ah ka ning hteh sak gui khai.

TAIGÜTHUM 19:36

Düng ciah nüt nak, düng ciah khiin nak, düng ciah nän nak cu nami mang vai. Kei cu Bawipa nami na Khanpughi nei. Kei naw Egypt khaw ah kaa ka ning law püi ba gui ci.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

ATÜNNAK 25:27

A hmaw goi cu ng’vai law ni neta, bä ciah sakaap ah kya law ne, bung k’pya ah hteit hton ci, Jakob cu adüm ah om ne im ah om ci.

MIKHAH 6:4

Egypt khaw ungka ka ning law püi ba gui ci, khleihtein ungka ka ning gung gui ci, ning chuisaw gui khai ah Moses, Aaron la Miriam ka ning tüih law gui ci.”

HOSEA 2:15

Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

SAM 49:7

Chang naw amät kä gung hlawt khai; A hnun gui ah phu Khanpughi am kä pe hlawt khai,

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

JEREMIAH 5:27

Sa züh ci naw a pemnu kha gui awn a be sak ah mäih ah ngami naw ami im gui cu ami guttep awn be sak ci gui. Cun ah kyasei ngami cu huham mah ne büh mang ci gui.

ZEKHARIAH 11:5

Kaa nak ci gui naw ngawn gui u neta, a i naw kä kyuk gui sei hteit ci gui. Ngami naw htome sa cu yoi u neta, ‘Bawipa cu m’tam nei! Keimi kami mang ci nei!’ cik ci gui. Ngami cu ami mät ah htome shäm naw phi kä yei na gui ci.”