HOSEA 12:6 - Cho Bible Common Language 2016

⁶ Cun ah kyasei tuhbäi, Jakob ah htangshon gui, Nami Khanpughi ung ng’ap u ne, nami law ba vai nei. Bekhüt ne taga ne, nami Khanpughi ah hnün thawh cun “lung na ne ngäng vä.

HOSEA 12:6 Referans Kwoze

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

MIKHAH 7:7

Cun ung phi kei naw Bawipa cu ka k’äih khai. M’lung theing awn Khanpughi cu ka ging khai, ani naw na hun khai, Khanpughi naw na ngaih pek khai.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

ZEKHARIAH 8:16

Nangmi naw nami bi gui vai cu: tumat la tumat k’cang nak ng’thu nami pyen vai. Yung ah m’kawt ung phi düng ciah nami bi vai, acun naw dimdeeih nak law püi ci.

ZEKHARIAH 1:3

cun ung phi tuhbäi ka pyen cu, ‘Kei ah law ba vä, kei phi nangmi ah ka law ba khai.

ZEPHANIAH 3:8

Bawipa naw, “Ging vä, pakhui gui m’di nak vai ah ka m’thawh nak ah hnüüp cu, ging vä. Pakhui gui la uknak khaw gui k’bum gui vai ah kei naw ka m’lung ka k’bäi pyi ci nei. Ka m’lungshe ah ang hüüt cu ka gah sak gui khai. Ka m’lungshe nak ah meidäi naw khomdek avan cu m’di yawp khai.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

AMOS 5:24

Cun nak vaisü ung taga ciah tuihta ah mäih ah long vä, kä ket hlawt ciah tuinu ah mäih ah ng’düng vä.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

JEREMIAH 22:15

Nang naw cedar sing awn im co ne, ahei im gui ah ta niba pi khai ah na pyan ung phi, cun naw bä ba pi ciah ghangpughang ah ning pyan khai ang? Nang ah napa cu a ghin ah chuih zeikia ci. Akphlüt ah ng’düng ne taga ci, ani abi lawk nak nü ung bämcam ci.

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

ISAIAH 8:17

Bawipa naw akchang gui ung ka, amät naw amät cu ng’thuh sak ci, cun ung phi kei naw ani ngaih u ne, ka ngaih u nak cu ani ung ka tha ci.

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

ATÜNNAK 49:18

Na hun nak cu ka ging ci nei, Bawipa.

EZEKIEL 18:30

“Tuhbäi, kei, uktu Bawipa naw ka ning m’thein gui ci, Israel gui, nangmi a chang sing cu, kei naw amät ah bi phäh phäh awn ka ning m’kyuk gui khai. Nami bilawk ah akshe avan ungka ng’hlat law ba vä, name katnak naw kä ning m’di en gui sä.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.