HOSEA 12:4 - Cho Bible Common Language 2016

⁴ Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

HOSEA 12:4 Referans Kwoze

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

ATÜNNAK 35:15

Cun ah hmun cu Bethela ah sui ci.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

1 THESSALONIAN 4:17

Cun ah akhin ung ghing ne ana om ciah mikmi cu tho ba ci gui awn atäng ah Bawipa hmuh vai ah khomei bawk awn m’hleim ne khankho mik ung na kai püi gui khai. Cun ung mikmi cu angtäi sei Bawipa awn mi om khai.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 66:6

Ani naw tuinu cu khaw kawng ah ng’lat sak sei, mi pupa gui naw tuinu cu khan ne hteit ci gui. Ani ah bi ah hmawk ah keimi kami yei ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

ATÜNNAK 32:29

Jakob naw, “Na ming cu na m’thein ä” cik ci. Ani naw, “A i ah kyasei kei ah ming na hmat hlü ang?” ci neta Jakob am hriham pek ci.

ATÜNNAK 32:24

Jakob cu amät om shüt ci. Chang tumat law ne ani cu thaai ne ng’pyei püi ci.

ATÜNNAK 32:26

Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

ATÜNNAK 25:26

Tumat cu Esau ah khaw m’du k’pang ne lut law sei, Jakob ah a ming sui ci gui. Ngani ani ng’tüi law yah ung Isaak cu a khaw kum chuk kip lawk ci.

ATÜNNAK 32:25

Ani naw Jakob kä a m’khüt law cu hmu neta, a phei k’tui ung leh sei, a khaw zuung sei m’neh ci.