HOSEA 12:2 - Cho Bible Common Language 2016

² Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.

HOSEA 12:2 Referans Kwoze

MIKHAH 6:2

Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

KALATIAN 6:7

Ang lih ng’lat ah kä nami om men vai, a u chang naw phi Khanpughi kä m’hleei hlawt khai. Chang cu amät ah geit bä bä amät naw khäm ba khai.

ROMAN 2:6

A cu hnüüp ung Khanpughi naw chang nüng nüng cu amät ah bi lawh a ciah, m’khoichaa nak pek khai.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 4:9

Nangmi phi chang gui ah mäih ah m’kyuk nak ung nami yaica khai. Kei naw ning m’kyuk gui ne kat nak nami bi nami thung vai ah ka ning ci gui khai.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

JEREMIAH 25:31

Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”

ISAIAH 59:18

Ani naw aga gui cu a shou nak ah khaw ah amiom ung phi ami bi ah ciah m’kyuk gui khai.

ISAIAH 24:21

Akhan ung huham gui la khomdek uktu gui Bawipa naw am kyuk nak gui vai ah akhin cu gawk lawk ci nei.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

2 GHANGPUGHANG GUI 17:4

Cun ung phi kum ät ung Hoshea naw Egypt ghangpughang So ah ng’shä tüi ne, ani naw abawm tu vai ah pyen neta Assiria am phlam kä pek ba ah om ci. Shalamanese naw cun cu hmat law neta Hoshea cu pha ne thawng ung chum ci.

SAM 78:36

Cun ung phi ami thu phung cu hleei ah kya ne, ami ng’htau ng’düng ci kä om ci.

THUSHÄUTU 5:15

Shin ah m’dek khan ung a i kä law püi ah mi luh law ah mäih ah, a i kä hteh püi ah mi nawng shüt ci. Mi bi akda mi bi ung phi, cun avan cu mi mät awn atäng ah kä mi hteh püi hlawt ci.

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

HOSEA 8:9

Ng’sela ah mäih ah ami m’lung ling ci. Israel chang gui cu ami mät ah lam ung hteit ci gui. Ngami naw Assiria ah hteit ne ami m’htei gui vai ah ng’shui ci gui. Ngami shungvong gui khai ah ahei pakhui gui cu ngui pe ne ghüh ci gui.

HOSEA 8:10

Cun ung phi tuhbäi kei naw hteit ne k’bum gui ne ka m’kyuk gui khai. Kä shou pha sei ngami cu Assiria uktu bawi ah shedam nak gah lawk khai gui. Ngami cu ng’hleei lawk khai gui.