HOSEA 12:14 - Cho Bible Common Language 2016

¹⁴ Israel chang gui naw Bawipa cu akha ah m’lungshe sak ci gui. Ami mät ah cheishoh nak ah phäh ah ngami cu sih vai ah khin ci gui. Ani ah khan ah m’lung thüi nak ami law pü ah phäh ah Bawipa naw ngami cu m’kyuk gui khai.

HOSEA 12:14 Referans Kwoze

EZEKIEL 18:13

ngui ataw ah ng’pu ci. Ani cu ghing khai ang? Kä ghing khai. Ani naw shin ah shemshai ci gui avan bik ci, cun ah kyasei anisik khai. Ani cu amät ah sih nak vai awn m’kat nak gah khai.

DANIEL 11:18

Cun kawn ah ani naw tuinu kem ung om ciah pakhui khaw gui cu tu gui ne akda näng gui khai. Cun ung phi a khaw hei ang vaihta naw ani cu hnim ne, ani ah m’gäi nak cu ng’pyi sak khai. Akcang ah Siria ghangpughang cu ani naw shum sak khai.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

THULÄÄN NAK 28:37

Bawipa naw anik püi nak gui ah khaw ung nangmi ah khan ah gawk lawk ci gui ah phäh ah chang gui shemshai khai gui. Ngami naw ning gaih tu gui khai gui. Ning m’lepse khai gui.

EZEKIEL 33:5

A sih nak cu amät ah katnak awn ah kyak ci, a i ah kyasei ci ung ani naw m’thawh let nak cu a i ah kä a ngaih ah phäh ah kyak ci. Ani naw cun cu ang ngaih nak vaisü ung ani cu phyawng hning khai nei.

EZEKIEL 18:10

“Chang tumat ung gut tep ne ngawn sheh ciah a hta tumat om ci, ani naw shin gui cu

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

THULÄÄN NAK 18:15

Cun nak vaisü ung ani naw kei ah mäih ah prophet tumat cu ami mät ah chang ungka ning tüih law gui khai. Nangmi naw ani cu nami ngaih vai.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.