HOSEA 12:10 - Cho Bible Common Language 2016

¹⁰ “Kei naw prophet gui cu ng’thu püi gui ne, muimang akda ka pe gui ci, prophet gui ung ka chang gui cu ng’thukbäi ka pe gui ci.

HOSEA 12:10 Referans Kwoze

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

EZEKIEL 20:49

Cun ung phi kei naw ka m’shang ba ci, “Uktu Bawipa, cun ah kä na bi sak en ä! Kei naw ak phlüt ah ng’thuzi awn ka ng’thu ciah chang päng naw pyen law pyi ci gui nei.”

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

JEREMIAH 19:1

Hteit ne m’dek hlüng ka hleih vai ah Bawipa naw na pyen nak ci. Chang gui ah ami ng’vai gui amshah la taigü angvai ba gui amshah cu la gui ne,

JEREMIAH 7:25

Nami pupa gui Egypt kho ungka ami law ba ungka naw tuhbäi ung khüt ciah, kei ne ka changshäm gui, prophet gui nangmi am ka tüih law nak cu ka pang lä ci.

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

2 KORIN 12:1

Khäghah cu kä a ni ung phi, kei ka khäghah vai om ci. Cun ah kyasei Bawipa naw ana peit ah muimang la Thuphlaan ah mawng cu m’dang ne ka pyein khai.

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

AMOS 7:14

Amos naw, “Kei cu ng’cheng dou ne ng’cäbang ciah prophet ah mäih ah kä ka kyak ci. Kei cu sei shäm ciah ka kyak ci, theising gui ka m’htei ci.

HOSEA 3:1

Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

JEREMIAH 19:10

Cun kawn ah kei awn atäng ah hteit ci gui ah ami ma ah hlüng cu ka ci pa yak vai ah Bawipa naw na pyen nak ci,

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

EZEKIEL 17:2

ani naw pyen ci, “Hnicim Chang, m’tumtäng nak tumat Israel gui am m’thein gui ä.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

TAIGÜTHUM 23:42

Israel chang gui ami van cu ng’yii nak ung hnüüp chih ami om vai,

HOSEA 13:4

Bawipa naw pyen ci, “Kei cu Egypt khaw ah ka ning law püi ba gui ciah Bawipa nami Khanpughi ah ka kyak ci. Kei ah kawn ah nangmi ung ahei Khanpughi kä om ci. Kei cu nangmi ah Hunbawi ah ka kyak ci.