HOSEA 12:1 - Cho Bible Common Language 2016

¹ Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

HOSEA 12:1 Referans Kwoze

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

EZEKIEL 17:10

Cun cu ng’lin ah kyak ci, cun ung phi ne däm khai ang? Kiang khokhi naw akhi law ung ng’yai khai ah kä kya ne ang? Amät ah däm law nak ah hmun ung ng’yai khai ah kä kya ne ang?

JEREMIAH 22:22

Nami ng’vaihta gui cu khokhi naw zon gui khai, nami khawt püi gui cu ng’tuk nak ung pha ne chumne hteh püi gui khai gui; Nami ah mang gaw cu a thangshe sei thui ng’aa khai a i ah kyasei ci ung nangmi naw akshe nami bi gui avan ah phäh ah kyak ci.

2 GHANGPUGHANG GUI 15:19

Tiklath Pileser, Assiria uktu naw Israel cu tu lawk ci, Menahem naw ani ah k’püi nak a gah vai la Menahem ah huham naw khaw avan a uk vai ah ngui phia thumkip lei phli kilogram cu pek ci.

ATÜNNAK 41:6

Cun kawn ah ang ma gin ne khokhi aa sei ng’shi ciah htang vui chih cu lut lawk ci gui.

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.

JEREMIAH 7:15

Nami mäih yah gui Israel gui ka k’täm ah mäih ah nangmi cu kama ungka naw ka ning k’täm gui khai. Kei, Bawipa naw ka pyen ci.”

NG’ÄI KYAH 5:6

Ghing ne om nak vai ah ng’büh nak vai ah ei gah vai ah, mikmi Egypt la Assiria ah hteit ne mi ng’yoi ci.

HOSEA 4:19

Ngami cu khokhi ah yon ah mäih ah kyak khai gui, khogam ami khawihnah ah phäh ah thui ng’aa khai gui.

HOSEA 7:11

Israel chang gui cu a i ah kä mawng ciah mümkha ah mäih ah kyak ci gui. Akhtük bäih ah a chang gui naw m’htei gui khai ah Egypt cu khü ci gui. Cun kawn ah Assiria ah dawng ci gui.

2 SHONTÄP NAK 21:11

Ani naw Judean khawgui hlüng ung kho she khawihnah nak hmun gui phi co ne, Judah la Jerusalem chang gui am Bawipa hnungtuk ne katnak bi sak gui ci.

SAM 78:36

Cun ung phi ami thu phung cu hleei ah kya ne, ami ng’htau ng’düng ci kä om ci.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

HOSEA 11:9

Kei naw ka m’lungshe nak awn kä ka ning m’kyuk gui khai. Kei naw Israel gui cu kä ka m’di ba gui khai. Kei cu Khanpughi ah ka kyak ci, chang ah kä ka kyak ci. Kei, theingcim ci naw ka ning om püi gui ci. Kei naw m’lungshe nak awn nangmi ah kä ka law ba khai.