HOSEA 11:6 - Cho Bible Common Language 2016

⁶ Ng’tuk nak naw ami mang gaw gui cu pheet gui khai. Mang gaw m’kawt gui ng’gäi ci gui, ka chang gui cu acun naw m’di gui khai. A i ah sei ci ung ami mät naw nipi khai amki ngaih ah ami bi ah phäh ah kyak ci.

HOSEA 11:6 Referans Kwoze

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

HOSEA 10:14

ng’tuk nak cu nami chang gui ah gawk law khai, Nami pigaw khäng gui avan cu di khai gui. Cun ah hnüüp cu ghangpughang shalman naw ng’tuk nak ung betharbel a mang gaw cu m’di ne, hnumi gui la ami hta nau gui güüt ne a ngawn gui ah mäih ah kyak ci.

HOSEA 10:6

Cun ah agup cu dämduh ciah uktu bawi am m’cümhnah ne pek vai ah Assiria ah hteh püi ci gui. Israel cu thuihmai ng’aca khai, a i ah kyasei ci ung, acun ah m’shümthein nak ami läk ah phäh ah kyak ci.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

MIKHAH 5:11

Na khaw ungka na mang gaw gui ka m’di khai, na ng’vong khaam avan ka m’shet khai.

EZEKIEL 20:47

Uktu Bawipa naw a pyen cu a htum täng ah bung naw ang yak vai ah m’thein ä: Teng ä! Kei naw mei ka m’khih ci nei, acun ah mei naw nang ung om ciah sing nü ak chiing ak chawng ui yawp khai nei. Cun cu a i naw kä m’shih hlawt ci. Cun cu a htum ah ka naw a siip ah khüt sei ng’phiah ne ui ci, cun ah mei m’lei ah angliing cu apäng ung gawk khai.

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

ISAIAH 30:1

Bawipa naw ng’thu pyen ci, “Judah khaw uk ci gui cu ng’ziin ci gui, a i ah kyasei ci ung ngami naw kei cu na hnu ng’tuk püi ci gui. Kei ah kä pyan ah m’hnüt bäi nak cu läk ci gui, kei ah ka ng’yak hlü awn hnung’tuk ciah yum ät nak bik u ne, katnak tumat ah khan ah tumat m’taih ci gui.

ISAIAH 27:10

Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

ISAIAH 18:5

Sapyit gui kä khäm pha ung, apai gui a van kiawi ne ang theih gui avan up khäta a ghing ungka ang ban gui cu khim awn a yäih hta ah tukpit ah mäih ah Sudan gui cu ga gui naw m’di khai gui nei!

ISAIAH 9:14

Hnüüp ät bang ung Israel gui ah ami ng’vai gui la ami chang gui cu Bawipa naw m’kyuk gui khai. Ani ami lu la ami ng’mei cu m’chün gui khai.

SAM 106:43

A chang gui cu Bawipa naw akda vei gung gui ci, cun ung phi ngami naw hnu ng’tuk püi nak vai ghü u ne, katnak ung thuuk law pi sei ng’hnim ci gui.

SAM 106:39

Ngami cu ami mät ah bi awn ami mät kä ng’ciim sak u ne, Khanpughi ung kä bekhüt ci gui.

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

THULÄÄN NAK 28:52

Ngami naw Bawipa nami Khanpughi naw a ning pek gui ah khaw ung, gawnu päng cu tuk khai gui. Nangmi naw nami ngaih u ah hlüng ciah shungpang gui phi ng’kia yawp khai.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

JEREMIAH 50:35

Bawipa naw pyen ci, “Babilonia ung sih nak gawk sä! Ak chang gui, a uk tu gui la cüi vai chang gui ung sih nak gawk sä!

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

HOSEA 4:16

Israel chang gui cu pat m’la ah mäih ah lingkeng ci gui nei. Kei naw a i hawk cha ah htome hta gui ah mäih ah kho k’pu ung ka m’bei gui hlawt khai aw?

HOSEA 4:17

Israel chang gui cu agup mang nak ah kaa ung om pyi ci gui. Ami hteh nak hlü ah lam ung hteit tei u sä.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.