HOSEA 11:5 - Cho Bible Common Language 2016

⁵ “Ngami cu kei ah ami ng’hlah law ba vai ah mak ci gui. Cun ah kyasei ngami cu Egypt khaw ah ng’hlat ba khai gui. Assiria naw uk gui khai.

HOSEA 11:5 Referans Kwoze

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

HOSEA 10:6

Cun ah agup cu dämduh ciah uktu bawi am m’cümhnah ne pek vai ah Assiria ah hteh püi ci gui. Israel cu thuihmai ng’aca khai, a i ah kyasei ci ung, acun ah m’shümthein nak ami läk ah phäh ah kyak ci.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

AMOS 5:27

Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

2 GHANGPUGHANG GUI 15:19

Tiklath Pileser, Assiria uktu naw Israel cu tu lawk ci, Menahem naw ani ah k’püi nak a gah vai la Menahem ah huham naw khaw avan a uk vai ah ngui phia thumkip lei phli kilogram cu pek ci.

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.