HOSEA 11:10 - Cho Bible Common Language 2016

¹⁰ “Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

HOSEA 11:10 Referans Kwoze

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.

JOEL 3:16

Zion m’htung khan ah ka naw Bawipa ng’hawh ci; ak aw cu Jerusalem ungka hmum kyeek lawk ci; Khomdek la khomik ng’thüng ci. Cun ung phi ani naw a chang gui shungvong gui khai.

ISAIAH 31:4

Bawipa naw a na pyen nak cu, “htoshäm gui naw a i ah ng’hawh ne ami m’lau ung phi, sa lou ne ei ciah phongkawng cu kä k’täm hlawt ci gui, a cunah mäih ah migäi ciah kei Bawipa cu zim khomhtung ka shung vong nak ung ka a u naw kä nak pang m’khüt khai.

JEREMIAH 25:30

“Nang Jeremiah naw, kei naw ka pyen phung cu na ng’shäu vai nei. Nang naw shin ah chang gui na m’thein gui vai cu, Bawipa cu khankho ah m’ngawk khai ak hlüng nak khankho ung hmum kyeek khai. Ani naw ak chang gui hnungtuk ne m’ngawk khai; ani cu sapyit neen ciah chang ah mäih ah m’lau khai. Khomdek khan ah chang nü naw ng’yak khai.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 64:2

Ngami cu mei ng’ling ah khan ung ng’kiah ciah tui ah mäih ah ng’hlet khai gui nei. Na ga gui ah ma ah law ne na huham cu m’than law sak ä, chang pakhui gui cu nama ah ng’hlet sak gui ä!

2 PETER 2:10

pumsa ah ng’yak hlü düt läk ne, Khanpughi ah huham päipih ci gui cu, m’khoichaa nak ah hnüüp ung, m’shetkat gui vai cu Khanpughi naw hmat ci. Cun ah thuvi m’theithang ci gui cu lingkeng ne taäh u ne, bäkhäk ciah khan bawi gui phi a i ah kä sui ne päipih ci gui.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

ZEKHARIAH 8:7

Ka chang gui cu hteh püi ne ami om sak nak gui ah khaw ungka, ka gung gui khai nei.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

AMOS 3:4

Phongkawng cu a lawh vai ah sa kä a hmuh ung bung ah m’ngaw man ne ang? Phongkawng nong cu a i kä a pha ung a khui ah ng’gen man ne ang?

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

ISAIAH 42:13

Bawipa cu gaktu ah mäih ah ng’tuk bik khai ah lut lawk ci nei; Ani cu ng’tuk vai ah pawng ge ne ng’tawt sheng ci nei. Ani cu ng’tuk bi vai ah m’lau ne ng’hawh ci nei; Ani naw a ga gui hnung’tuk püi ne, a huham m’dang ci nei. Achang gui Am hteihtang vai ah Shaitak ci.

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 2:11

Bawipa cu kyih ne a khuut bi vä; Ng’hlet ne a ma ah kawp vä;

JOB 37:1

Khokhi aa naw kei ah m’lung cu na cat sak ci.

THU PHLAAN 10:3

phongkawng ah m’ngaw ah mäih ah thüng sei ng’khü ci.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

EZEKIEL 26:16

Tuinu ung hteithton ciah pakhui gui ah ghangpughang gui ami van cu ami mang kiang ung ka kyum lawk khai gui. Ngami cu ami suinu gui la ami cüiche sui gui sut u ne, ng’hlet ne m’dek ung ngok khai gui. Ngami naw nangmi ah kyak cu hmu u neta kyikyawk aih u ne, ami ng’hlet cu kä düm hlawt ci gui.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

JEREMIAH 50:4

Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.

ZEKHARIAH 10:10

Egypt khaw la Assiria khaw ungka ami im ah law püi ba gui ne, ami ng’dü ung ka om ba sak gui khai. Kilead la Lebanon ung phi ka om sak gui khai. Khaw avan ung chang avan be khai.