HOSEA 10:5 - Cho Bible Common Language 2016

⁵ Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

HOSEA 10:5 Referans Kwoze

HOSEA 9:11

Israel gui ah dämduh nak cu kha ah mäih ah ahei ah yong khai. Ngami cu kä hta nau ba khai gui, a u hnumi phi kä käu mah ba khai, kä hta ba khai.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

2 GHANGPUGHANG GUI 23:5

Judah mang gaw gui la Jerusalem ah peileng hmun gui khongyo sonkiang gui ung khawihnah douthak khai gui ah Judah ghangpughang gui naw phyuh theh ne ami tha ah taigü gui cu ani naw yung ungka k’täm gui ci — taigü gui ami van, Baala ni, khohni ni, cha ni, kumkü gui ni, aisi gui ni am khawihnah douthak ci gui cu k’täm gui ci.

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

LAMKTU 19:27

Mikmi ah bi lawh cu ang ming she ne ng’ä vai ah kya lawk ci. Cun bäng ah kä kya ciah, Asia la khomdek khan van naw a yum ah kho hnumitha Artemis cun phi ng’ä nak vai kya law ne, a hlüngtai nak phi dimaih lawk khai nei” cine pyein ci.

ZEPHANIAH 1:4

“Jerusalem ung chang gui la Judah avan ung chang gui phi ka m’kyuk gui khai. Ak hnu ah Baala khawihnah ci gui ka m’di gui khai, acun ung bii bik ciah khaw taigü gui cu a u naw kä shüm ba gui khai.

2 SHONTÄP NAK 11:15

Jeroboam naw khawgam khawihnah nak ah hmun, amät naw a pyan ah seipat-hta ah a gup gui la khawshe gui khawihnah nak ung bii bik khai gui ah taigü gui cu amät naw m’düih gui ci.

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

2 GHANGPUGHANG GUI 10:29

Cun ung phi ani naw ghangpughang Jeroboam ah katnak cu läk ci. Ani naw Bethela la Dan ung ghui seipat-gup gui pyang ne khawihnah vai ah cine Israel gui katnak ung hteh püi gui ci.

SUKI GUI 18:24

Mikah naw, “A i nami pyen hlü ang? a i ah ang a kyak? Nangmi naw ka taigü la ka pyan ah khanpughi gui la ne nami hteit ci nei! Kei ung a i ang ak pawih ba” cik ci.

JOSHUA 7:2

Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,

2 SHONTÄP NAK 13:8

Tuhbäi nangmi naw, Bawipa naw David htangshon am a pek ah bawimang huham cu nami küknet ng’tuk püi ci. Nang ung gakap a khak om ci, nami khanpughi Jeroboam naw a pyan ah seipat hta ah gup phi om ci.

ISAIAH 46:2

Agup gui naw ami mät naw ami mät kä hunhning a gui; Ngah mi cu khäm gui ne a hei ah hteh püi ci gui. Shin cu Babilon khanpughi gui ah ng’pyi nak ah kyak ci!

HOSEA 9:1

Israel chang gui khogam khawihnah ci gui ah mäih ah nami bi ah nami pawi gui cu ng’düm vä. Nangmi cu nami Khanpughi ng’hlata u ne, ani ung kä nami bekhüt ci. Khaw avan ung Baala khanpughi am nami mät naw nami mät pawmyau chang gui ah mäih ah nami ng’yoi ci, htang gui phi ani naw aning pek gui ah nami ngai ci.

AMOS 3:14

“Israel chang gui ami katnak ah phäh ah ka m’kyuk gui hnüüp ung, Kei naw Bethela ah mang kyang cu ka m’di khai. Mang kyang ah akit gui päng cu ng’gäi ne m’dek ung ng’yän yawp khai.