HOSEA 10:2 - Cho Bible Common Language 2016

² Amlung kyong kä düng cisah chang gui cu, atuhbäi ami kat nak ah phäh ah yaica ci gui. Khanpughi naw ami sonkyang gui m’shet pe gui ne, theingcim ciah ami lungtung gui m’di pe gui khai.

HOSEA 10:2 Referans Kwoze

MIKHAH 5:13

Agup gui la lungsüm theing gui avan ka m’di khai, nami mät ah pyan nami khawihnah vai a i kä om ba khai.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

LUKA 16:13

A u chang phi bawimang hnih ah changshäm ah kä kya hning ci, Ani cu tumat gen ne tumat m’hni lawk khai. Tumat ah khan ah ng’düng nak awn om ne, tumat cu a i ah kä sui ba khai. Nangmi cu Khanpughi la khomdek khawhchaam ah ng’yak hlü cu a täng ah kä nami bi hlawt khai” cik ci.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

HOSEA 7:8

Bawipa naw pyen ci, “Israel chang gui cu ateih hmin ciah m’htut awn täng ci gui. Ngami naw ami pei ah pakhui gui ngaih u ci gui.

JEREMIAH 43:13

Ani naw Egypt khaw Heliopolis ung lung tung theing gui cu m’di ne Egypt khanpughi gui ah Taigüim gui phi m’khih khai.”

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

1 SAMUEL 5:4

A ngawi ung khaw ngawi, a gup cu kyu ba mä ne, Thukhän M’küm ah ma ah ng’yän ba ci. Cun ung läi a lu la a kut gui cu hnget ne, m’kawt pei ah ng’yän ci gui; a pum bäng om ba ci.

1 JOHAN 2:15

Nangmi cu m’dek khan ng’yak hlü la m’dek khan ng’yak hlü ah khäm phung phung kä nami m’hni vai nei. M’dek khan ng’yak hlü m’hni ci naw Pa Khanpughi käm hni hlawt ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

PHYAWN NAK 23:24

Ami khanpughi gui ah ma ah kä na kawp vai, kä na khawihnah vai, ami yum nak ah mäih ah kä nami bi en tu vai. Ami khanpughi gui m’di gui ne, theing ciah ami lungktou gup gui phi nami m’shet vai.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.