HOSEA 10:11 - Cho Bible Common Language 2016

¹¹ “Israel cu m’thei pyi ah seipat m’la ah mäih ah kya man ci. Gängtha ne htang leh hlü ge ciah kyak ci. Cun ung phi kei naw ani ah kyom ciah ak hnü ung thapho tai ne, bii ak ghat cu ka bi sak khai ah ka k’bäi ci. Kei naw Judah chang gui cu lai thawn sak gui ne, Israel chang gui cu m’ghaw ka mawih sak gui khai.

HOSEA 10:11 Referans Kwoze

HOSEA 4:16

Israel chang gui cu pat m’la ah mäih ah lingkeng ci gui nei. Kei naw a i hawk cha ah htome hta gui ah mäih ah kho k’pu ung ka m’bei gui hlawt khai aw?

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

THULÄÄN NAK 25:4

Htang na leh sak ah vantang ah m’gawng kä k’bawm pek vai.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

HOSEA 11:4

Kei naw ngami cu yum nak la m’hni nak awn ka kaih gui ci. Kei naw ngami cu kaw gui ne ka ng’being pha khai ah ka chang gui ci. Kei naw ngami ah ma ah kawp ne ka m’bei gui ci.

HOSEA 9:1

Israel chang gui khogam khawihnah ci gui ah mäih ah nami bi ah nami pawi gui cu ng’düm vä. Nangmi cu nami Khanpughi ng’hlata u ne, ani ung kä nami bekhüt ci. Khaw avan ung Baala khanpughi am nami mät naw nami mät pawmyau chang gui ah mäih ah nami ng’yoi ci, htang gui phi ani naw aning pek gui ah nami ngai ci.

HOSEA 3:1

Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

ISAIAH 28:24

A u lai k’bi naw phi ang geit nak ge vai ah angtäi sei lai kä thawn ci.

JEREMIAH 28:14

M’gäi ciah Bawipa, Israel khanpughi avan ah khan ah taih khai, Cun ung ngami naw Babilonia Ghangpughang Nebukhadnezzar ah bii bik khai gui. Bawipa naw pyen ci, khisa gui naw phi Nebukhadnezzar ah bii bik khai gui.”

JEREMIAH 46:20

Egypt cu plan ciah seipat ah mäih ah kyak ci, a siiptäng ah ka k’pi gui naw tu lawk ci gui nei.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”