HOSEA 1:4 - Cho Bible Common Language 2016

⁴ Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.

HOSEA 1:4 Referans Kwoze

HOSEA 1:9

Bawipa naw Hosea pyen nak ci, “Aming cu kei ah kä chang — ciah sui ä, a i ah kyasei ci ung Israel chang gui cu kei ah kä chang gui, kei cu ngami ah kä Khanpughi nei” cik ci.

HOSEA 1:6

Komer cu ak hnih nak ah hta ba ci-cun cu hnumi hta ah kyak ci. Bawipa naw Hosea a pyen nak cu, “Ang ming cu ‘kä m’hni’ ah sui ä, A i ah kyasei ci ung kei naw Israel chang gui ka m’hni nak cu kä ka m’dang law ba khai, kä ka m’geinsei gui khai.

EZEKIEL 23:31

Nang naw na paihta ah khaw neh cu na läk ci, Cun ah kyasei kei naw na awk vai ah m’kyuk nak cu acun ah khap ung ka ning pek khai.”

EZEKIEL 23:10

Ngami naw ani cu k’plui khai ah a sui sak suh pe u neta, a hta pami a hta hnumi gui cu pha gui ci gui, cun kawn ah ani cu khim awn ngawn ci gui. Kho ng’nü ah hnumi gui naw ani ah mawng cu pyen sak ci gui.

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

2 GHANGPUGHANG GUI 10:17

A cu ah gawk u neta, Jehu naw Ahab ah mätyah gui avan ngawn gui ci, tumat phi kä k’pawih nak ci. Shin cu kya lawk khai ah mawng Bawipa naw Elijah am, am thein pyi ah kyak ci.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

LUKA 1:63

Zechariah naw guk nak vai k’thäh gui netah, “Aming cu Johan nei” cine gu khätah, chang gui cu cäicat ci gui.

LUKA 1:31

Nang cu m’gai ne pami hta ah na hta lawk khai.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

HOSEA 9:17

Kei naw abii ka bi ah Khanpughi naw a chang gui cu hnungtuk gui khai. A i ah kyasei ci ung ngami naw kä ami ngaih ah phäh ah kyak ci. Ngami cu changpakhui gui ah ng’lung ah ng’vaak shüi ci gui ah kyak khai gui.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

2 GHANGPUGHANG GUI 15:8

Judah ghangpughang Uzziah ah uknak a kum thumkip lei cheit nak ung Jeroboam II ah hta Zechariah cu Israel ghangpughang ah kya lawk ci, ani naw Samaria ung cha chuk uk ci.

JEREMIAH 20:3

A ngawi yung kho ngawi, Pashhur naw ana chah tuba khawn ah kei naw ani cu ka pyen nak ci, “Bawipa naw nang cu Pashhur ah kä ning sui ci. Ani naw aning pek ah ming cu kho ng’nü m’ghämce ci, ciah kyak ci.

JOSHUA 19:18

Acun ah area ung Jeyreela, Chesulloth, Shunem,

2 GHANGPUGHANG GUI 10:1

Ghangpughang Ahab ah a hta ng’shon gui chihkip lawk ci gui, Samaria mang gaw ung om ci gui. Jehu naw ca tumat gu neta, mang gaw uktu gui, gawmah ng’leimah ng’vaihta gui, Ahab ah htangshon m’htei ciah chang gui am tei gui ci. Cun ah ca ung:

ISAIAH 8:3

Api shou hta khäta kakchu cu käu mah lawk ci. Kami hta ang tüi law ung, Bawipa naw ana pyen nak cu “Aming cu ‘Akzaang ah gut-ang ghit ah gut’ ah nami sui vai.”

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.