HOSEA 1:2 - Cho Bible Common Language 2016

² Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

HOSEA 1:2 Referans Kwoze

HOSEA 3:1

Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

JEREMIAH 3:9

ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

SAM 106:39

Ngami cu ami mät ah bi awn ami mät kä ng’ciim sak u ne, Khanpughi ung kä bekhüt ci gui.

THU PHLAAN 17:5

Ani ah amcalai ung, “Khaw ah kaa ung shemshai ne pletbeng ci gui ah nu, Babilon gawnu” cine thuuk ciah ng’thu awn ami guk ah kiak ci.

2 PETER 2:14

Ngahmi cu hlahhlawng ciah hnumi bäng teng hlü u ne, a i awn käng büh hlawt ci gui. Ngami naw ayum nak kä htek cicu m’vam ung kyak sak ci gui, ami m’lung naw a i baw m’hni aih ci, Ngahmi cu Khanpughi ah k’phyun nak gah ci gui!

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

HOSEA 5:3

Israel a i ah mäih ami law cu kei naw ka hmat ci — ani cu kei ungka kä ng’thup hlawt khai. Ani cu kä bekhüt ci, Ani ah chang gui cu kei na khawihnah khai ah kä khin kha ci gui.”

MAKUH 1:1

Shin cu Khanpughi ah Htapa, Bawipa Jesuh Khrit ah a mawng Thu Ni ah kyak ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

SAM 73:27

Nang ung ng’shawng ne om ci gui cu nang naw na m’di gui khai; nang ung kä bekhüt ci gui cu nang naw na m’di gui khai.

2 SHONTÄP NAK 21:13

Nang naw Israel ghangpughang gui ah om ih läk ne, Judah la Jerusalem chang gui Khanpughi ung kä ami bekhüt nak vai lam shüm gui ne, Ahab la angshon gui naw Israel gui kä bekhüt khai ah ami bi ah mäih ah na bik ci nei. Nang naw na mät ah ta a om ni tuba ciah na nau gui phi na ngawn gui ci.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

HOSEA 2:7

Ani cu am hni gui ah hnu läk ne dawng khai, cun ung phi kä pha gui khai, Ani naw shui gui khai, cun ung phi kä hmu gui khai. Cun kawn ah ani naw pyen khai, “Kei cu ka cei htük ah ka hteit ba khai nei — Kei cu tuhbäi ah ta yanä ung bä pi ne ka om man te ci nei.”