HEBRU 9:5 - Cho Bible Common Language 2016

⁵ Cun ah m’küm khan ah cherubim ah gup gui om u ne, cun gui naw cun ung Khanpughi a om ah mawng m’dang ci gui, ami ng’phiaa gui naw shetkat m’gein nak ah kiang cu küm ci gui. Tuhbäi cun gui apüh akheh ah pyein vai kä kyak ci nei.

HEBRU 9:5 Referans Kwoze

KHEI NAK 7:89

Moses cu Bawipa ng’thu püi khai ah Phung ah kyong a hlut neta, thumkhän m’küm ah a khüm ah khan, Cherubim hnih goi ah ng’lak ung, om neta, Bawipa naw ng’thu a pyen cu cun ng’yak ci.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

TAIGÜTHUM 16:13

A cu ah Bawipa ah om nak ung ani naw ang ui cu mei ung a shum vai, cun ah ang ui ah ak khu naw Thukhän M’küm ah a khüm cu shung khai, cun ung ani cu a i kä hmuk khai, kä sik khai.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

1 SHONTÄP NAK 28:11

David naw Solomon am Taigüim cawh nak vai ah a mawng gui avan pek ci, Khawhchan gim nak vai ah kyong gui, a hei kyong gui avan, katnak bik ci gui m’geinsei nak gui vai ah Atheingcim Pikbäih Hmun ah kyak ci.

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

1 SAMUEL 4:4

Cun ah kyasei ngami naw Shilon ah ng’shä tüi u ne, Hlüngtai ciah Bawipa ah Thukhän M’küm cu lak ci gui. Tüiküi ng’phia mah gui ah khan ah mang kyang ung ngok ci. Eli ah a hta goi, Hophni la Phinehas cu Thukhän M’küm ung ng’gui ne law tuk ci goi.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

ROMAN 9:4

Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;