HEBRU 9:4 - Cho Bible Common Language 2016

⁴ Acun ah kyong ah ang ui gui mei awn ami m’khih nak ah ghui mangkiang la, ghui bäng awn pyan ah Thukhän M’küm om ci. Cun ah m’Küm khui ah manna m’htut ah om nak ah ghui-am, lim ne hnah ciah Aaron ah ng’shopawng la thukhän gui guk ah lung k’paang hnih om ci.

HEBRU 9:4 Referans Kwoze

KHEI NAK 17:10

Bawipa naw Moses cu pyen nak ci, “Aaron ah shopang cu Thukhän M’küm ah ma ah tha ba ä. Cun cu Israel gui naw thu ami m’da nak kä ami düm ah a kyak ung, sik khai gui ciah Israel gui ah hnungtuk küknet nak k’bäi nak gui ah acun ung tha vai ah kyak ci.”

2 SHONTÄP NAK 5:10

Thukhän M’küm ah kyong ah lungphe hnih bäng om ci, cun cu Israel gui Egypt khaw ah ka ami law ba yah ung Bawipa naw Israel chang gui thukhän a pek gui sangung Sinai M’htung ah Moses naw a tha ah kyak ci.

TAIGÜTHUM 16:12

ani naw sonkiang ungka meicak awn be ciah meidawn la, ang ui akni shum goi cu la neta, a theingcim nak pikbäih ung a law püi vai.

PHYAWN NAK 40:3

A cun ah kyong ah Thumkhän Gha m’khäh nak ah Thumkhän M’küm cu na tha neta a hmai lam ah yihdung awn na hei shung vai.

PHYAWN NAK 26:33

Phung ah m’dik’cih ng’pyüm tän ah ka ah yihdung cu tha vai. Cun ah ng’leng ah lung palap hnih tha nak ah Thukhän M’küm cu hmoh vai. Cun ah yihdung naw a theingciim nak la atheingcim nak bäih cu m’chak khai.

KHEI NAK 17:5

Cun kawn ah kei naw ka ghü ah chang ah ng’shopawng cu lim lawk khai. Israel gui naw ng’thu m’da ne ami ning hnungtuk püi nak cu kei naw a shikcha ka düm sak khai.”

PHYAWN NAK 34:29

Moses cu Sinai M’htung ah ka, thumkhän gha kawt ne kyum law ba ci, ani cu Bawipa awn ng’thu ci goi ah kya ne, a hmai cu pyü aih aih ci, cun ung phi amät naw kä hmat ci.

THU PHLAAN 8:3

Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

1 GHANGPUGHANG GUI 8:21

Taigüim kyong ah Thukhän M’küm tha nak vai ah hmun phi kei naw ka pek ci, acun ung thukhän lung palap gui om ci, cun cu Egypt ah ka a law püi ba gui ah ung Bawipa naw, mi pupa gui awn a bi ah kyak ci.

1 GHANGPUGHANG GUI 8:9

Thukhän M’küm ah kyong ah a hei, a i kä om ci, Sinai M’htung Moses naw a tha ah Lung phahlap hnih bäng om ci, cun cu Egypt ah ka Israel chang gui ami law ba sangung Bawipa naw thukhän abi gui ah kyak ci.

1 GHANGPUGHANG GUI 7:50

khop gui, mei k’ceh gui, khawk gui, ang ui tha nak ah bei gui, meicak tha nak ah k’am gui; Atheingcim Pikbäih Hmun ung m’kawt gui la Taigüim ah akpung ah m’kawt gui ah phäh ah patta gui ah kyak ci. Shin ah khawhcham gui avan cu ghui awn pyan ah kyak ci.

KHEI NAK 17:8

A ngawi ung Moses cu Phung ah hteit neta, Levit pakhui ah chaw Aaron ah ng’shopawng cu lim law sei hmuk ci. Shopawng cu m’guh ne, pai ne, theih sei hmuk ci.

PHYAWN NAK 39:35

akyong ah lung phe goi om ciah thumkhän m’küm, aktung gui la aküm,

PHYAWN NAK 31:18

Sinai M’htung ah Khanpughi naw Moses ang thu püi cu ng’pyi sei, ani naw lung palap hnih cu Moses am pek ci. A cun goi ah khan ah Khanpughi amät naw, thukhän gui cu a guk ah kyak ci.

PHYAWN NAK 32:15

Moses cu khomhtung ungka yu kyum ba ne, vang ah vei ung thumkhän guk ah lung phe hnih cu kawt lawk ci.

PHYAWN NAK 37:25

Ani naw ang ui m’khih nak vai ah sonkiang cu akasia sing awn pyang ci. Cun cu phli kit nak ci, ayun dawng, akdang dawng law ne dawng goi ah hlüng ci. Akit phli ung alawi cun phi ng’däih yawp khai ah pyang ci

THULÄÄN NAK 9:9

Kei cu lungphe gui ka dou khai ah m’htung ah ka hang kai ci. Acun ung Bawipa naw nang awn abi ah thumkhän gui guk ah kyak ci. Kei cu acu ah hnüüp phlikip la mü phlikip ka om ci. A i phi kä ka ei awk ci.

THULÄÄN NAK 9:11

Ä! Hnüüp phlikip la mü phlikip alüng kawn ah ani naw thumkhän a guk ah lungphe hnih cu Bawipa naw kei am na pek ci.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.