HEBRU 9:3 - Cho Bible Common Language 2016

³ Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.

HEBRU 9:3 Referans Kwoze

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

PHYAWN NAK 40:21

Cun kawn ah Thumkhän M’küm cu phung kyong ah tha neta, yihdung cu hei bat ci. Bawipa ah thumkhän ah mäih ah ani naw Thumkhän M’küm cu shungshet ci.

PHYAWN NAK 40:3

A cun ah kyong ah Thumkhän Gha m’khäh nak ah Thumkhän M’küm cu na tha neta a hmai lam ah yihdung awn na hei shung vai.

HEBRU 9:8

Shin ah a mawng ung Mumcha Theing naw ang dang ah am theithang nak cu, ak pung ah phung a om ah chuih Hmun Theing Säih ah hteh nak vai ah lam kä ng’hmawng ci, ciah kyak ci.

1 GHANGPUGHANG GUI 8:6

Cun kawn ah Taigü gui naw Thumkhän M’küm cu Taigüim ah law püi u neta Atheingcim Pikbäih Hmun ung, Cherubim ah ka ah tha ci gui.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

ISAIAH 25:7

Shin ung chang pakhui van ah khan ah ng’bat ciah thüisei nak khomei cu ani naw ang ghit ah heng khai.

2 SHONTÄP NAK 3:14

Atheing Pikbäih Hmun ah phäh ah ami pyan ah zihdung cu linen la a päng awn pyang ne amkim, amvaw la asen gui awn so ne Cherubim gui ah gup pyang ne ami pyan ah kyak ci.

KHEI NAK 4:5

Bawipa naw Moses am shin ah m’shümthein nak gui cu pek ci. Phung phyet nak vai ah a khin a gawk law ung, Aaron la a hta gui cu Phung ung lut u neta, Thukhän M’küm ah ma ungka yihdung cu la ne, acun awn M’küm cu ami uk vai.

1 GHANGPUGHANG GUI 6:16

Akyong akhan, Atheingcim Pikbäih Hmun cu Taigüim ah a hnu täng ung co ci gui. Cun cu dawng m’ku ng’shäi ci, phah ungka naw ceiling ung khüt khai ah cedar k’pen awn akhan pyan ah kyak ci.

EZEKIEL 41:4

Ani naw akhan cu nüt ci, angveing ah metre gha lawk ci. Shin ah akhan cu anglung khan ah a hnu ung om ci. Cun kawn ah ani naw ana pyen nak cu, “Shin cu Atheingcim Pikbäih Hmun nei” ciah kyak ci.

HEBRU 9:7

Cun ung phi Taigü tung tumat bäng vah phung ah ak kyong ah vah lut ci. Ani cun ah aluh cun phi kum ät ung hngü ät ah kyak ci. Cun ah aluh ung amät ah hmawk la chang gui naw kä hmat ne ami cheishoh ah hmawk ah, khawihnah nak vai ah si cu hteh püi ci ci.