Biblia Todo Logo
Bib sou entènèt

- Piblisite -




HEBRU 9:28 - Cho Bible Common Language 2016

28 Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

Gade chapit la Kopi




HEBRU 9:28
42 Referans Kwoze  

Cun cu hlüngtai säih Khanpughi la mi Hunbawipa Jesuh Khrit ah bämang nak ang dang law nak vai ah, mi ngaih u ah yeikyai nak ah hnüüp mi ngäng nak ah kyak ci.


Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.


Cun ah kya sei ani cu sih nak näng ci kya ne, katnak ah hlüngtai nak naw ani cu kä uk ba hlawt sei, tuk bäi Khanpughi awn lünlawi ne ghing ne om ci.


Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.


Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.


A tüi pyan ah khomdek khan bäng ah kä kyak ciah, Khanpughi naw ak htük bäih ah a peit ah Mumcha gah ciah mikmi cun phi, Khanpughi ah hta ah kyak nak vai la, mi pumsa avan hun nak a gah nak vai cu, mi ging ne mi geinvai ci.


Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.


“Kalile chang gui, a i ah kyak seih khankho ng’düi ne nami dan ang? Nang mi ung ka, nami hmuh ge ah khankhaw ah kai ciah Bawipa Jesuh cuh, acun ah mäih ah kyum law ba khai nei” cine pyein ci gawi.


Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.


Hnicim chang ah cheishoh nak m’si nak ah, ka huk ah ka si ng’hlui ah kyak ci nei.


Khankho cu mei naw m’khih sei dimaih ne, khankho pumsa a phiäp nak vai ah Khanpughi a hnüüp gawk lawk khai cine, k’tha nah ne nami ngäng yah ung, nami ghin nak cu theing cim sak ne Khanpughi ah nami ng’ap vai nei.


A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.


Thuka thei cicu kä thuka thei ciah phi bäi, si thei cicu kä si thei ciah phi bäi, ang thon kawn ah, “Sih nak cu m’shiu ne m’di pyi nei, khütnäng nak cu kümbe pyi ci nei” ciah cacim cu akcang ah khüm khai.


Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.


Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.


Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!


Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.


Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.


Bawipa Jesuh Khrit a kyum law ah mawng la ani awn a täng ah om vai ah mi bum law ah mawng cu ka ning m’thein gui ci nei, Phäi nau gui aw.


Cun ah kya sei nangmi naw Bawi Khrit Jesuh a kyum law vai cu nami gin yah ung, nangmi naw kä nami gah tu ah hriham cu a i kä om khai.


Cun ung phi ngahni cu kä täng ci goi, Khanpughi ah m’gein nak cu Adam ah katnak ah mäih ah kä kyak ci. Cun ah chang tumat ah kat nak awn chang khli van naw a sih nak ah kyak ci, cicu akcang ah kyak ci. Cun ung phi Khanpughi ah m’gein nak la Khanpughi naw chang gui am a peit ah, chang tumat ah kyak ciah Jesuh Khrit ah m’gein nak cu cun ah katnak ah mä küikyang hlüngtai pi ci.


Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.


Jew chang gui ah Taigü Tung cu, a kum tä sei, sei me gui ah si hteh püi ne, Hmun Theing Säih pi ung hteit ci ci. Cun ung phi Bawi Khrit läi cu ng’ap khai ah akda vei kä lut ci.


“A i ah kyasei nangmi naw katphyawn douthak nak cu a theing nak ah hmun ung nami ei ang? Shin cu ang htei ah theingcim ci, chang van ah katnak nawt heng nak vai ah Bawipa naw a ning pek gui ah kyak ci.


Tuhbäi ung tün ne Phung cu Levit gui naw m’hteihtang khai gui, ngami naw bilawh vai cu akbe ah ami bi vai ah kyak ci. Shin cu nami htangshon ung khäng ne om khai ah ng’täi ciah thungyo ah kyak ci. Israel khaw ung Levit gui ah hmawk ah ng’täi ciah khawh a i kä om khai.


Bawipa naw Aaron cu pyen nak ci, “Nang, na hta gui la Levit chang gui naw, kei ah om nak ah Phung ung bilawh nak ung cheishoh ci phung cu nami maa nak khai nei. Cun ung phi taigü bawi ah bii bi nak ung cheishoh ci phung cu nang la na hta gui bäng naw nami maa nak khai nei.


Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.


“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.


Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.


Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.


küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.


Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.


Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.


Bawipa Jesuh Khrit naw Khanpughi ah ang yak hlü läk ne, amät ah pumsa cu, ang bäng ge ah ap ne a peit ah kyasei, mikmi cu theingcim nak mi gah ci.


Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.


Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.


Swiv nou:

Piblisite


Piblisite