HEBRU 9:27 - Cho Bible Common Language 2016

²⁷ Chang cu hnü ät bäng si ne, cun kawn ah Khanpughi ah m’khawichaa nak cu gah ci.

HEBRU 9:27 Referans Kwoze

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

THUSHÄUTU 9:5

Ä, ghing ci gui naw ami sih law vai cu hmat ci gui, cun ung phi sik ci naw a i kä hmat ci. Ngami ung m’cümhnah nak kä om ba ci; ngami cu akshe m’hnih gui ah kyak ci.

JUDE 1:15

chang ah hta avan cu m’khoichak khai nei. Hnicim chang avan cu ami cheishoh shetkat nak ah hmawk la Khanpughi kä yum ne shekak ciah chang gui naw, Khanpughi ah kä ng’yak hlü ah ami ngetngawng ng’plahtang ah ng’thu gui ah khan ah Khanpughi naw m’shetkat gui khai nei!

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

ROMAN 5:12

Shetkat nak cu khomdek khan ah chang tumat awn gawk law ci, ani ah katnak awn sih nak phi gawk lawk ci. Cun ah kya sei hnicim chang van cu katnak bi u ne, sih nak ung gawk ci gui.

THUSHÄUTU 3:20

Ngani ani nik hnih cu a hmun ät ung hteit ci goi — m’vut ung hteit ci goi. Ani nik hnih cu m’vut ungka lawk ci goi, m’vut ung hteit ba khai goi.

JOB 14:5

Chang cu a i güt ghing khai, cha i chü ghing khai cicu m’hnüt bäi pyi ah kyak ci. Cun cu nang naw na m’hnüt pyi ah kya sei käng’thawng hlawt ci nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

HEBRU 6:2

Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.

SAM 89:48

A u chang cu ka si ne ghing hlawt khai ang? A u chang naw ng’cim hmun ung ka amät k’phyawng hlawt khai ang?

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

THUSHÄUTU 3:2

Ani naw m’hnüt ci, ng’tüi nak ah khin om ne, sih nak ah khin om ci; ng’lin nak ah khin om ne, mawih nak ah khin om ci;

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

1 JOHAN 4:17

M’hni nak cu mikmi ung kümbe ci kyasei, m’khoichaa nak ah Hnüüp ung mikmi cu k’thamah nak om khai nei. Cun ah a om ah mawng cu, mikmi cu khomdek khan ah mi ghin nak ung Bawi Khrit ah mäih ah mi ghin ah hmawk ah kyak ci.

LUKA 20:32

Ak hnu ah cun ah hnumi phi sik ci.