HEBRU 9:24 - Cho Bible Common Language 2016

²⁴ Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

HEBRU 9:24 Referans Kwoze

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 9:23

A shin ah mawnglam awn khankho ung phungpawng ciah amüi gui cu theingcim sak ah kyak ci. Khankho müi gui theingcim nak sak ung küikyang pi ciah küikyan nak cu bi vai kyak ci.

HEBRU 8:2

Bawipa cu a theingcim nak säih ung Taigü Tung ah kya ne bi bik ci, cun ah hmun cu chang ah cawh ah kä kyak ci, Khanpughi ah pian ah phung akcang ah kyak ci.

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

KOLOSE 3:2

Khankho ding ung nami m’lung cu nami ng’müi sak vai, khomdek ng’lei ung kä nami ng’müi sak vai.

ROMAN 8:33

Khanpughi naw a ghü ah chang gui cu a u naw m’kat gui khai ang! Ngahmi ung katnak kä om ciah Khanpughi amät naw m’dang pyi ci nei.

LAMKTU 3:21

Khanpughi naw a prophet theing gui ah om yah ung a pyein ah mäih ah, a päng avan ak thai ah kä ang’pian pha ah chuih cun ah Bawi cu khankhaw ah om cang khai.

LUKA 24:51

Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

MAKUH 14:58

“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw

PHYAWN NAK 28:29

“Aaron cu theingciim hmun kyong ah a valuh ah a kyak ung, Israel pakhui gha lei goi ah ming awn guk ah ng’kyangsaphaw cu k’bah khai. Cun ung kei, Bawipa naw ka chang gui cu angtäi sei ka shüm gui khai.

THU PHLAAN 8:3

Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

HEBRU 9:9

Shin gui cu tuhchü tawk ne dang sak ciah a mawng gui ah kyak ci. Cun cu peit taak nak la ghuthaa nak gui naw khawihnah ciah chang gui ah m’lung cu kä kum be sak hlawt ci ciah kyak ci.

HEBRU 8:5

Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

JOHAN 6:62

Chang ah Htapa cu a om nak htük ah kho ah a hang kai vü ba nami hmuh law ung mä, a i ah nami ngai khai ang?

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

PHYAWN NAK 28:12

Shawiphaw k’phleing ung k’bah nak vai ah khan ah cun gui cu khoop vai. Cun cu Israel pakhui gha lei goi m’dang nak ah kyak ci. Acu cha ah Aaron naw ami ming gui cu k’phleing ung k’bah gui khai. Cun ah kyasei kei, Bawipa naw ka chang gui cu angtäi ah ka shüm gui khai.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

2 KORIN 5:1

Mikmi ah om nak ah kyak ciah khomdek pumsa cu ang kawn ah a kyak ung, Khanpughi naw khankho ah, amät ah pyan ah, angtäi om nak ah im, na k’hman gui khai cicu mi hmat ci.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 9:1

Ak htük ah thukhän ung khawihnah nak ah thumyo la chang ah pyan ah khawihnah nak ah hmun hlü ci.