HEBRU 9:23 - Cho Bible Common Language 2016

²³ A shin ah mawnglam awn khankho ung phungpawng ciah amüi gui cu theingcim sak ah kyak ci. Khankho müi gui theingcim nak sak ung küikyang pi ciah küikyan nak cu bi vai kyak ci.

HEBRU 9:23 Referans Kwoze

HEBRU 10:4

A i ah kyasei ci ung sei ah si la me ah si naw cheishoh nak cu kä nawtpet hlawt ci nei.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

HEBRU 8:5

Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

KOLOSE 2:17

Cun gui avan cu ngawi ah kaa vai ah apüpüüi gui düt ah kyak ci. Cun ung phi akcang cu Bawi Khrit ah kyak ci.

LUKA 24:46

Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai.

LUKA 24:26

Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci.

HEBRU 10:1

Jew thukhän gui cu be ci la bekhüt ciah akcang gui ah kä kyak ci: gawk lawk khai ah nikiom nak gui ah püpüi gui ah kyak ci. Thukhän ah ciah akum täi sei küikyan nak cu bi ah kiak ci. Cun ung a i hawkcha ah thukhän naw, Khanpughi ah lawk ciah chang gui cu, kümbe sak gui khai aw?

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

LAMKTU 23:15

Cun ah kyasei nang la kawngsi ng’vai gui naw Paul cu ak tung ah nami ng’shica hlük ci hlawk ah, Roman gakap bawi ah nami k’thäh ba vai nei. Nangmi ah om nak ah kä ah gawk law pha ung ani cu ngawn vai ah kami na ngäng khai nei” cine pyein ci gui.